Sérnám í fæðingar- og kvensjúkdómalækningum

Sérnám í Fæðinga-og kvensjúkdómalækningum fer fram á Kvennadeild Landspítala-Háskólasjúkrahúss. Boðið hefur verið upp á skipulagt sérnám í faginu um nokkurra ára skeið. Sú breyting varð á að hafið var samstarf við Samtök breskra Fæðinga- og kvensjúkdómalækna (Royal college of Obstetricians and Gynaecologist /RCOG) fyrir nokkrum árum og er skipulag sérnámsins á Íslandi því að mestu leyti byggt á því meitlaða skipulagi sem frá þeim kemur. Heimasíða samtakanna er www.rcog.org.uk

 Lengd sérnáms í Fæðinga-og kvensjúkdómalæknginum er í heildina um 5 ár. Við grunnnámið getur svo bæst nám í ólíkum undirsérgreinum fagsins seinna meir. Athugið að á Landspítalanum er þó einungis boðið upp á fyrstu 3 ár sérnámsins í Fæðinga-og kvensjúkdómalækningum

Fjöldi sérnámslækna: Á hverjum tíma starfa um 8 sérnámslæknar í Fæðinga-og kvensjúkdómalækningum, á Kvennadeild Landspítalans. Hver þeirra er frá upphafi náms, með sérnámshandleiðara sem fylgir þeim eftir á námstímanum. Auk sérnámslækna í faginu, starfa á hverjum tíma á deildinni, 2 sérnámslæknar í heimilislækningum og 1-2 læknakandídatar.

Sérfræðingahópur Kvennadeildar: hittist mánaðarlega á fundum, og ræðir þá m.a. framgang hvers sérnámslæknis og hvernig best má styðja við viðkomandi, til þess að ná sínum markmiðum.

Reglulegt stöðumat: Sérnámshandleiðarinn tekur viðtöl við námslækninn til mats á framvindu, amk 3 sinnum á ári, en mælst er þó  til þess að sérnámslæknir og sérnámshandleiðari, hittist á styttri fundum í hverjum mánuði. Sérnámshandleiðarinn er til staðar til að gefa góð ráð og leysa úr vandamálum.

Árlegt framvindumat: er gert  í lok námsárs. Kallast þessir fundir ARCP (Annual Review of Competence Progression ) og er þar metið hvort námslæknir hefur staðist kröfur námsársins og getur hafið nám á næsta ári

Próf: Ætli sérnámslæknir að sækja um sérnámsstöðu á 3.ári er gerð krafa um að hann hafi lokið stöðuprófi, sem kallast part 1 MRCOG áður. Þetta próf er hægt að taka á hvaða tíma sem er fyrir 3.árið.

Marklýsing sérnámsins er staðfest af Mats-og hæfisnefnd Velferðarráðuneytisins og má finna á heimasíðu Landlæknisembættisins. eða með því að smella hér á Marklýsing sérnáms í fæðinga- og kvensjúkdómalækningum.

Matskerfi:

Við styðjumst við viðtöl við sérnámslæknana, sérfræðingafundi og matsblöð ýmis konar, til þess að meta færni okkar sérnámslækna. Dæmi um matsblöð eru CbD, mini-CEX og OSATS auk 360°mats sem gert er 2svar á ári. Það kallast í dag  TO (team observation)

Kennsla sérnámslækna á Kvennadeild:

-Klínísk kennsla, bæði fræðaumræða og verkleg inngrip ss sónarskoðanir, fer fram á deildum alla daga

-Vikulegir fyrirlestrar sérfræðinga(StratOG): á fimmtudögum

-Þemadagar: hálfsdags fyrirlestrarröð í hverjum mánuði um valið fagtengt efni ss aðgerðartækni við speglanir, áhaldainngrip í fæðingum, tíðarhvörf og hormónameðferðir o.fl.

-Greinarfundir: læknar Kvennadeildar hittast í heimahúsi 2-3 sinnum á önn, þar sem 2 sérnámslækna okkar hafa kynnt sér vísindagrein og fara í gegnum hana með kollegunum, fá aðstoð og umræðu varðandi hvernig meta á gæði rannsókna og birtra greina. Þetta eru mjög skemmtilegir fundir félagslega auk fræðilegs gildis

- námskeið innan húss: PROMPT námskeið í bráðauppákomum tengdum meðgöngum og fæðingum eru nokkrum sinnum á ári.

-ráðstefnur innan lands og utan: Fjölskyldan og barnið (september ár hvert), Græna þing skurð-og svæfingarlækna í apríl. ALSO er ca annað hvert ár. Önnur námskeið í UK/USA/Skandínavíu

-tilfellafundir: 2x í viku

-Fösudagsfræðslufundir: klukkutíma fræðslufundir á deildinni hvern föstudag.

-Viðrunarfundir í hádegi á föstudögum: miðaðir að sérnámslæknum þar sem fara á í ýmsa praktíska þætti náms ss hnýtingar, sónarnotkun í fæðingum, leit í gagnagrunnum, gæðaverkefni, vísindavinnu o.fl.

-M&M fundir eru amk 2x/önn á deildinni. Farið á djúpið í ýmis tilfelli með lærdómsríkum vinklum hvað varðar “morbititet/mortalitet” =M&M

-Burðarmálsdauðafundir

-þverfaglegir teymisfundir

Dagvinna og vaktir

              Dagvinnna: alla virka daga frá 08-16.

Vaktir: Virka daga skipta sérnámslæknarnir með sér styttri vöktum frá 16-20, sk “stubbar”.            Næturvaktin hefst svo um kl.20-08. Helgarvaktir eru frá 09-21 / 21-09. Sérfræðingur er til staðar í húsi, allan vaktatíman og bakka upp sína sérnámslækna á öllum starfsstöðvum, daga

Kennslustjóri Kvennadeildar: Arnfríður Henrýsdóttir Sími: 825-9348 netfang: arnfridh@lsh.is

Kennsluráð Kvennadeildar: Kennslustjóri (AHr), Prófessor Þóra Steingrímsdóttir, sérfræðingarnir Brynja Ragnarsdóttir og Katrín Kristjánsdóttir og ritari, Hildur Gísladóttir. Ráðgefandi varðandi ýmis málefni eru umsjónardeildarlæknir og yfirlæknar deildarinnar.