Leit
Loka

Starfsfólk Landspítala skal fá greidd jöfn laun og njóta sömu starfskjara fyrir sömu eða jafnverðmæt störf.

Landspítali öðlaðist jafnlaunavottun í febrúar 2020, í kjölfar ítarlegrar skoðunar af hálfu vottunarfyrirtækisins Versa vottun. 

Grunnkröfur starfa á Landspítala voru metnar út frá kerfi sem byggir á starfsmatskerfi breska heilbrigðiskerfisins, NHS, sem hefur verið aðlagað íslenskum aðstæðum. Yfir 800 starfsmenn Landspítala tóku þátt í að meta sín störf á árinu 2019 og stjórnendur staðfestu síðan matið á hverju starfi. Starfsmatið nær til meira en 200 starfsheita sem dreifast á 194 starfseiningar á Landspítala. Niðurstöður launaúttektar sem byggði á tölum október 2019 sýna í heildina óverulegan kynbundinn launamun á Landspítala. 

Hluti af vinnu undanfarinna mánaða hefur verið að skilgreina umbótaverkefni sem unnin verða á árinu 2020 og eru þau lögð er fram í stefnuskjali um yfirsýn og lykilaðila í jafnlaunakerfinu. Meðal þessara verkefna er að ljúka útlagagreiningu í kjölfar launaúttektar haustsins 2019, vinna í starfsheitum og samræmingu auglýsinga og launasetningar, vinna áfram í skráningu launaðra þátta s.s. menntunar, endurskoða fasta yfirvinnu, auk þess sem stefnt er að því að uppfæra starfsmatskerfið eigi síðar en á næsta ári og að auka fræðslu til stjórnenda um jafnlaunamál.

Jafnlaunastefna Landspítala

 

Skylt efni:

Jafnréttisstefna Landspítala

Jafnréttisáætlun Landspítala 2020-2022

Framkvæmdaáætlun Landspítala í jafnréttismálum 2020-2022

Var efnið hjálplegt?
Takk fyrir
Af hverju ekki?