Gjaldskrár sjúkratryggðra
Gjaldskrár Landspítala byggja á reglugerðum sem eru gefnar út af velferðarráðuneyti. Hér færðu yfirlit um almenna greiðsluþátttöku sjúklinga og upplýsingar um greiðslur fyrir einstök læknisverk eða þjónustu.
Tengt efni:
Yfirlit um gjaldskrár
Hámarksgreiðslur
Sjúkratryggðir greiða að hámarki kr. 25.100 kr. á mánuði fyrir heilbrigðisþjónustu á Íslandi. Hámarksgreiðsla í mánuði fer eftir greiðslumarki einstaklings, sem sótt er í réttindagátt viðkomandi hjá Sjúkratryggingum Íslands, www.sjukra.is.
Aldraðir og öryrkjar sem eru sjúkratryggðir greiða að hámarki kr. 16.700 kr. á mánuði fyrir heilbrigðisþjónustu á Íslandi. Hámarksgreiðsla á mánuði fer eftir greiðslumarki einstaklings, sem sótt er í réttindagátt viðkomandi hjá Sjúkratryggingum Íslands, www.sjukra.is.
Ekkert gjald er greitt fyrir börn 2-17 ára ef framvísað er tilvísun frá heilsugæslulækni. Börn yngri en tveggja ára og börn með umönnunarkort eru gjaldfrjáls. Börn með sama fjölskyldunúmer teljast einn einstaklingur. Ef ekki er framvísað tilvísun er greitt fyrir börn í sömu fjölskyldu að hámarki kr. 16.700 kr. á mánuði fyrir heilbrigðisþjónustu á Íslandi. Hámarksgreiðsla í mánuði fer eftir greiðslumarki einstaklings, sem sótt er í réttindagátt fjölskyldunúmers hjá Sjúkratryggingum Íslands, www.sjukra.is.
Innheimta og reglur
- Reglugerð 1177/2017 um hlutdeild ósjúkratryggðra í kostnaði vegna heilbrigðisþjónustu
- Reglugerð 313/2017 um tilvísanir fyrir börn.
- Reglugerð 314/2017 um greiðsluþátttöku sjúkratryggðra í kostnaði vegna heilbrigðisþjónustu
- Reglugerð 1185/2014 um daggjöld fyrir hjúkrunar-, dvalar og dagvistarrými sem ekki eru á föstum fjárlögum árið 2015
Þeir sem ekki eru sjúkratryggðir á Íslandi, þar á meðal einstaklingar sem ekki hafa átt lögheimili á Íslandi sl. 6 mánuði, þurfa sjálfir að ábyrgjast greiðslu fyrir læknisþjónustu hér á landi, samkvæmt gildandi reglugerð um heilbrigðisþjónustu við þá sem ekki eru sjúkratryggðir samkvæmt lögum um sjúkratryggingar og greiðslur þeirra fyrir heilbrigðisþjónustuna. Fyrirspurnum er svarað á netfanginu: insurance@landspitali.is