Bráðadagurinn

Árlega er haldin ráðstefna á vegum bráðaþjónustu Landspítala þar sem kynntar eru rannsóknir og verkefni sem unnin hafa verið í tengslum við bráðaþjónustu á Íslandi. Hefð hefur skapast fyrir því að fá sérfræðinga til að kynna störf sín og rannsóknir tengd þema dagsins.

Á Bráðadeginum 7. mars 2025 verður lögð áhersla á bráðavandamál barna, bráð veikindi og áverka, ofbeldi og geðrænan vanda og annað sem bráðaþjónustan sinnir.
Bráðadagurinn er ekki aðeins uppskeruhátíð rannsókna- og starfsþróunarverkefna bráðaþjónustu heldur líka mikilvægur liður í símenntun starfsfólks.
Ráðstefnan er þverfagleg og hana sækir fagfólk í þjónustu bráðveikra einstaklinga hvaðanæva að úr samfélaginu.

Hagnýtar upplýsingar

Bráðadagurinn 2025

Yfirskrift ráðstefnu: BÖRN Í BRÁÐUM VANDA

Dag- og tímasetning: Föstudaginn 7. mars 2025 frá kl. 09:00 til 14:00

Verð: 15.000 kr.

Staðsetning: Hótel Natura Reykjavík

Dagskrá: Sjá hér fjölbreytta dagskrá Bráðadagsins 2025

Skráning á Bráðadaginn: SKRÁNINGU ER LOKIÐ!

Ágrip

Skilafrestur ágripa 3. febrúar 2025

Nánari upplýsingar veita:

Dagný Halla Tómasdóttir, skrifstofustjóri sími543 8215
Hjalti Már Björnsson, yfirlæknir/lektor í bráðalækningum sími 543 2210

Óskað er eftir ágripum um rannsóknir eða verkefni úr öllum sviðum bráðaþjónustu, bráðalækningum, bráðahjúkrun, sjúkraflutningum og landsbyggðarlækningum.

Ágrip geta fjallað um meðferðir, samstarf, öryggi og umhverfi bráðveikra og slasaðra einstaklinga.
Ágrip verða ritrýnd og birt í fylgiriti Læknablaðsins.

Á Bráðadeginum 2025 verður sérstök áhersla á bráðavandamál barna, bráð veikindi og áverka, ofbeldi og geðrænan vanda og annað sem bráðaþjónustan sinnir.
Er því sérstaklega óskað eftir ágripum tengt börnum í bráðum vanda.

Leiðbeiningar um uppsetningu og innsendingu ágripa

Titill, nöfn höfunda, vinnustaðir og netfang tengiliðar.

Hámarksorðafjöldi 350, sett upp og send inn í Word skjali

Framsetning, með feitletruðum undirfyrirsögnum: Bakgrunnur, Markmið, Aðferð, Niðurstöður og Ályktanir

Texta skal rita í TimesNewRoman 12pt letri, 1 línubil

Ágrip skulu send með tölvupósti á bradadagurinn@landspitali.is
Höfundur tilgreini ósk um birtingu ágrips sem erindi eða veggspjald. Undirbúningsnefnd áskilur sér rétt til ritrýningar og ákvörðunar um birtingu ágrips og form þess, þ.e. sem veggspjald eða erindi.

Dæmi um hvernig senda á inn ágrip og dæmi um uppsetningu ágripa á myndaformi: ATH! smellið á myndirnar til að sjá þær stærri.

Dæmi um innsent ágrip Leiðbeiningar við uppsetningu ágrips