Leit
Loka

Rjóður

Rjóður er hjúkrunar-, hvíldar- og endurhæfingarheimili fyrir langveik og langveik fötluð börn

Deildarstjóri

Guðrún Ragnars

rjodur@lsh.is
Banner mynd fyrir  Rjóður

Hafðu samband

OPIÐAllan sólarhringinn alla daga

Rjóður - mynd

Hér erum við

Kópavogsgerði 6a, Kópavogi

Um Rjóður

Hagnýtar upplýsingar

Sýna allt

Rjóður er hjúkrunar-, hvíldar- og endurhæfingarheimili fyrir langveik og langveik fötluð börn.  Þangað koma börn á aldrinum 0-18 ára.
Þau þarfnast öll mikillar hjúkrunar og umönnunar auk afþreyingar og leiks.

Rjóður er hluti af kvenna og barnasviði Landspítala.

  • Í Rjóðri starfar hjúkrunarfræðingar, þroskaþjálfar, sjúkraliðar og félagsliðar
  • Mikið samstarf er við Barnaspítala Hringsins

Öll börn sem koma ný í Rjóður fá skipulagða aðlögun. Það fer eftir þörfum hverrar fjölskyldu hversu aðlögun er löng. Skipulagðar innlagnir eru ákveðnar 3 mánuði fram í tímann

Á hverjum tíma dvelja 5-6 börn í Rjóðri auk barna sem koma í dagdeildarþjónustu vegna endurhæfingar.  Þetta eru oftast börn sem legið hafa á Barnaspítala Hringsins vegna alvarlegra slysa og sjúkdóma og þurfa endurhæfingu og þjálfun áður en þau geta farið heim. Þessi börn eru oftast í sólarhringsþjónustu fyrst í stað.

Læknir barnsins þarf að senda beiðni um hvíldarinnlögn í Rjóður . Beiðnin er metin af deildarstjóra og taugalækni
Þegar barn hefur fengið jákvætt svar um hvíldarinnlögn hefst aðlögun. Mikilvægt er að fá nákvæmar og góðar upplýsingar um barnið og fjölskylduna. Fyrst koma foreldrar í heimsókn og kynna sér starfsemina. Síðan koma þau í aðra heimsókn með barnið með sér. Þessi heimsókn getur tekið ca. 1 klst. Þriðja heimsókn felur í sér viðveru í ca. 2 klst þar sem barn og foreldrar kynnast staðnum og starfsfólki.Framhald er síðan sniðin að hverri fjölskyldu fyrir sig. Misjafnt er hvað aðlögun tekur langan tíma en aðalatriðið er að það myndist gagnkvæmt traust. Þegar kemur að því að barnið sofi fyrstu nóttina þá gistir annað foreldrið með.
Hvert barn hefur tengil úr hópi starfsfólks í Rjóðri . Tengill barnsins og er í góðu sambandi við fjölskylduna.
Sjúkdómsgreiningar barnanna eru margvíslegar þó aðallega sjúkdómar svo sem:
Heila og taugasjúkdómar
Vöðvasjúkdómar
Flogaveiki
Nýrnasjúkdómar
Ýmsir sjaldgæfir sjúkdómar
Næringarvandamál
Svefnvandamál
Samstarf við Barnaspítala. Rjóður er hluti af Taugateymi Barnaspítalans. Ef börnin veikjast í Rjóðri eru þau send á bráðamóttöku og eins tekur Rjóður á móti langveikum börnum og börnum sem þurfa mikla endurhæfingu frá spítalanum.

Samstarf við Endurhæfingu ehf sem er á lóð Landspítala í Kópavogi. Sjúkraþjálfarar sinna börnum sem koma utanað landi, bæði þjálfun og hjálpartækjamálum.

Þverfagleg vinna: Samstarf er á milli Ráðgjafar og Greiningarstöðvar Ríkisins þar sem fagfólk, sjúkraþjálfarar, foreldrar og stoðtækjafyrirtæki eru í samvinnu vegna hjálpartækjamála.
Var efnið hjálplegt?
Takk fyrir
Af hverju ekki?