Leit
Loka

Barnaspítali Hringsins

Á Barnaspítalanum er veitt sérhæfð, fjölskyldumiðuð heilbrigðisþjónusta fyrir börn og unglinga að 18 ára aldri. Í allri þjónustu er áhersla lögð á að greina þarfir og auka vellíðan skjólstæðinga

Banner mynd fyrir  Barnaspítali Hringsins

Hafðu samband

OPIÐAllan sólarhringinn alla daga

Barnaspítalinn - mynd

Hér erum við

Barnaspítali

Um Barnaspítalann

Sýna allt

Á Barnaspítalanum er veitt sérhæfð, fjölskyldumiðuð heilbrigðisþjónusta fyrir börn og unglinga að 18 ára aldri.

Í allri þjónustu er áhersla lögð á að greina þarfir og auka vellíðan skjólstæðinganna, með gildi Landspítala um umhyggju, fagmennsku, öryggi og framþróun að leiðarljósi.

Samskipti sem byggja á virðingu og stuðningi við börnin og fjölskyldur þeirra er mikilvægur þáttur í starfsemi Barnaspítalans.

Hlutverk

Barnaspítalinn hefur forystu í sérhæfðri heilbrigðisþjónustu fyrir börn og unglinga á Íslandi. Á Barnaspítalanum er veitt fjölbreytt þjónusta sem krefst mikillar sérþekkingar og samvinnu fagfólks. Þjónustan beinist að líkamlegum, andlegum og félagslegum þörfum barnanna og velferð fjölskyldunnar.

Með fjölbreyttri rannsóknarstarfsemi og símenntun tryggir fagfólk að nýjasta þekking á sviði heilbrigðisþjónustu fyrir börn og unglinga sé viðhöfð hverju sinni.

Fagfólk Barnaspítalans annast grunn- og framhaldsmenntun heilbrigðisstétta hvað varðar heilbrigðisþjónustu fyrir börn og unglinga. Þá veitir fagfólk einnig ráðgjöf til annarra stofnana sem sinna málefnum barna og unglinga

Fjölskyldan í forgrunni

Á Barnaspítalanum er stöðugt unnið að því að bæta þjónustu við fjölskyldur.

Allur aðbúnaður, þjónusta, og samskipti miðast að því að mæta þörfum barna og fjölskyldna þeirra samkvæmt aldri og þroska barnanna.

Keppst er að því að veita þeim sem bestan aðbúnað meðan á sjúkrahúsdvöl stendur og gefa fjölskyldum barna með heilsuvanda kost á samfelldri þjónustu af göngudeild.

Barnaspítalinn á nokkrar íbúðir sem foreldrar búsettir á landsbyggðinni geta leigt meðan barnið þeirra dvelur á spítalanum.

Teymisvinna fagfólks

Starfsemin á Barnaspítalanum hefur á undanförnum árum þróast til sérgreinaskiptingar og teymisvinnu og þar með aukinni göngudeildarstarfsemi

Þverfagleg teymi fagfólks veita börnum með heilsuvanda (0-18 ára) og fjölskyldum þeirra sérhæfða þjónustu.

Með þessu móti gefst tækifæri til að samhæfa fræðslu, meðferð og þjónustu í samvinnu við skjólstæðingana.

Réttindi sjúklinga

Samkvæmt Barnasáttmála Sameinuðu þjóðanna er barn hver sá einstaklingur sem ekki hefur náð 18 ára aldri. Við skipulag á starfsemi Barnaspítalans er tekið mið af stöðlum fyrir börn á sjúkrahúsum. Þar kemur fram:

  1. Að barn eigi rétt á að hafa foreldra eða einhvern nákominn hjá sér meðan á sjúkrahúsdvöl stendur.
  2. Að barn eigi að liggja á deild með öðrum börnum en ekki á deild með fullorðnum.
  3. Að umgangast skuli barn með virðingu og skilningi og virða friðhelgi einkalífs þess.

Á Barnaspítalanum er lögð rík áhersla á að réttindi sjúklinga séu virt í hvívetna.

Allir landsmenn eiga rétt á fullkomnustu heilbrigðisþjónustu sem unnt er að veita á hverjum tíma.

Öll mismunun vegna kynferðis, tungu, trúarbragða, skoðana, kynþáttar, litarháttar, efnahags, ætternis og stöðu er óheimil. Mikilvægt er að sjúklingar og aðstandendur gæti þagmælsku um málefni annarra sjúklinga sem þeir kunna að fá vitneskju um, heyra eða sjá á Barnaspítalanum.

Þagnarskylda starfsfólks

Allt starfsfólk og nemendur heilbrigðisþjónustunnar er bundið þagnarskyldu og farið er með málefni sjúklinga af fyllsta trúnaði.

Starfsfólki Barnaspítalans ber að gæta fyllstu þagmælsku um heilsufar sjúklings, ástand, sjúkdómsgreiningu, horfur og meðferð ásamt öðrum persónulegum upplýsingum.

Landspítali er háskólasjúkrahús og nemendur í heilbrigðisfræðum og tengdum greinum stunda hluta af námi sínu á spítalanum. Nemendur fylgjast með og taka þátt í daglegri meðferð sjúklinga og eru ávallt á ábyrgð og undir handleiðslu leiðbeinenda sinna.

Vinsamlegast athugið að sjúkrahúsið getur ekki borið ábyrgð á peningum eða öðrum verðmætum svo sem símum, tölvum og öðru sem sjúklingar eða aðstandendur hafa meðferðis.

 

Á Barnaspítalanum starfar fólk sem á það sameiginlegt að hafa einhvern tímann verið börn og að vilja hjálpa börnum að láta sér batna og líða betur. Sumir eiga líka börn sjálfir, jafnvel börn sem hafa þurft á hjálp Barnaspítalans og starfsfólksins þar að halda.

Flestir starfsmenn Barnaspítalans hafa menntað sig sérstaklega til að aðstoða þá sem eru veikir og sumir jafnvel menntað sig sérstaklega til að hjálpa veikum börnum.

Á spítalanum vinna t.d. hjúkrunarfræðingar, læknar, sjúkraliðar, félagsráðgjafar, grunnskólakennarar, iðjuþjálfar, leikskólakennarar, leikskólasérkennarar, listmeðferðarfræðingar, meðferðarfulltrúar, næringarfræðingar, prestar, sjúkraþjálfarar, sálfræðingar og þroskaþjálfar auk annarra sem vinna við sérhæfð þjónustustörf.

Allir eru þarna til að hjálpa þér og láta þér líða betur.

Það er frekar auðvelt að þekkja starfsfólk spítalans. Það gengur nefnilega allt í svipuðum fötum sem eru eiginlega eins og einkennisbúningur fyrir spítalann, svipað og löggur eða slökkviliðsmenn. Flestir klæðast hvítum sloppum, sumir hvítum sloppum og buxum. Hvítu fötin eru notuð til að passa upp á að fötin séu alltaf hrein. Það er mjög mikilvægt svo engir sýklar geti ferðast á milli veikra barna með því að lauma sér í fötin hjá starfsfólkinu.

Nemar á Barnaspítalanum 

Það eru margir sem vilja læra að hjálpa öðrum og sérstaklega hvernig þeir eiga að hjálpa börnum að líða betur.  Þess vegna koma margir nemar á Barnaspítalann til að fá kennslu og verklega þjálfun.  Flestir nemarnir koma frá Háskóla Íslands og Háskólanum á Akureyri.  Með því að sýna þeim skilning og þolinmæði hjálpum við þeim að læra.  Þannig getum við hjálpað öðrum börnum sem eru veik með því að hjálpa nemunum sem munu annast þau í framtíðinni.

 


Helsti bakhjarl Barnaspítalans er Hringurinn, kvenfélag.

Hringurinn var stofnaður árið 1904 en félagið hefur að markmiði að vinna að líknar- og mannúðarmálum, sérstaklega í þágu barna.

Aðalverkefni félagsins um áratugaskeið hefur verið uppbygging Barnaspítala Hringsins.

Á vef Hringsins eru ýmsar leiðir til að styðja félagið.

Aðrir helstu bakhjarlar eru Thorvaldsensfélagið og Lionsklúbburinn Fjörgyn en auk þessa nýtur Barnaspítalinn stuðnings fjölda fyrirtækja og einstaklinga á ári hverju.

Margar leiðir eru til að leggja Barnaspítala Hringsins lið hvort sem það er í formi skemmtiatriða, leikfanga, peningagjafa, tækja eða blóðgjafa. Einnig er hægt að heita á Barnaspítala Hringsins svo sem í hlaupum, hvers konar íþróttaviðburðum eða á öðrum vettvangi.

Ef áhugi er á að styrkja Barnaspítalann í formi peninga eða tækja er hægt að hafa samband við Jóhönnu Guðbjörnsdóttir í síma 543 3059/824 5718 eða senda henni póst á netfangið johagudb@landspitali.is.

Jafnframt er hægt að styrkja Barnaspítalann með millifærslu inn á reikning 513-26-22241, kt. 640394-4479 eða nýta sér formið hér:

Bent er á Blóðbankann ef áhugi er á því að gefa blóð.

Hægt er að hafa samband við leikskólakennara Barnaspítalans ef áhugi er á að koma með skemmtiatriði, gefa leikföng, spil, DVD-myndir eða PlayStation-leiki, svo dæmi sé tekið. Eingöngu er tekið á móti nýjum leikföngum, myndum o.s.frv. hringið í síma 543 5027.

Árið 1902

  • Systur úr reglu St. Jóseps setja á stofn Landakotsspítala.  Sérstakar barnastofur voru á spítalanum, ein fyrir drengi og önnur fyrir telpur

Árið 1957

  • Barnadeild Landspítala opnuð 19. júní á þriðju hæð gamla spítalans.  Hringurinn lagði fram mikla fjármuni í stofnkostnað við opnun deildarinnar

Árið 1961

  • Barnadeild formlega opnuð á Landakoti

Árið 1965

  • Barnadeild Landspítalans fær stærra húsnæði, 2. og 3. hæð E-álmu.  Nafni breytt í Barnaspítali Hringsins í þakklætis- og virðingarskyni við Hringinn

Árið 1970

  • Barnageðdeildin við Dalbraut var opnuð 1. ágúst sem göngudeild.  Í upphafi var hún kölluð Geðdeild Barnaspítala Hringsins og var það fyrst og fremst í virðingar- og þakklætisskyni við Kvenfélagið Hringinn sem hafði lagt mikið af mörkum þegar deildin var sett á stofn

Árið 1971

  • Legudeild BUGL var opnuð í mars. Þar voru upphaflega rúm fyrir 11 börn á aldrinum 5-13 ár.  Seinna á árinu, í nóvember, var opnuð dagdeild.  Hún var með rúm fyrir 7-9 börn á aldrinum 2-9 ára og var viðvera þeirra milli kl. 9-15 á virkum dögum

Árið 1976

  • Vökudeild Landspítalans tekur til starfa í nýju húsnæði Kvennadeildarinnar.  Hringurinn styður dyggilega við þennan áfanga Barnaspítalans

Árið 1980

  • Viðvera foreldra er orðin frjáls á barnadeildum landsins.  Áður höfðu foreldrar haft takmarkað leyfi til að vera hjá börnum sínum ef þau þurftu að leggjast á spítala

Árið 1987

  • Legudeild fyrir unglinga á BUGL opnuð.  Barnageðdeildin sinnti börnum til 16 ára aldurs en legudeildin einungis til 13 ára.  Það var því brýn þörf að koma fram vistunarúrræði fyrir börn yfir þeim aldri

Árið 1988

  • Stofnuð ný skóladeild við Dalbrautarskólann.  Fram að þessum tíma hafði kennari varið ráðinn í hlutastarf til að sinna menntun inniliggjandi skjólstæðinga og heyrði það undir reglur menntamálaráðuneytis um sérkennslu

Árið 1995

  • Barnadeildin á Landakoti flytur á Borgarspítalann (Sjúkrahús Reykjavíkur).  Thorvaldsensfélagið styður dyggilega við þennan flutning deildarinnar í mun hentugra húsnæði

Árið 1997

  • Hjartaaðgerðir á börnum hefjast með skipulögðum hætti hér á landi

Árið 2003

  • 26. janúar er nýtt hús Barnaspítala Hringsins vígt við hátíðlega athöfn en þennan dag átti Hringurinn 99 ára afmæli.  Bráðamótttaka barna, barnadeildir í Fossvogi og á Landspítalanum, vökudeildin, göngudeild, dagdeild og önnur starfsemi flytur starfsemi sína í nýtt hús Barnaspítalans

Árið 2004

  • Rjóður, hvíldar- og endurhæfingarheimili fyrir langveik og fötluð börn, hefur starfsemi sína. Velferðarsjóður barna kostaði endurbætur á húsnæðinu og kaup á tækjum og húsgögnum og hefur verið dyggur stuðningsaðili Rjóðurs frá upphafi

 

 

Hagnýtar upplýsingar

Sýna allt

Umsjón biðlista á Barnaspítalanum hafa hjúkrunarfræðingar með höndum.

Innlögn er skipulögð þegar beiðni um aðgerð, meðferð eða rannsókn liggur fyrir.

Hringt er í foreldra þegar búið er að skipuleggja þá rannsókn eða aðgerð sem fyrirhuguð er.

Foreldrar geta hringt og fengið upplýsingar um biðtíma og undirbúning fyrir fyrirhugaða rannsókn og eða aðgerðir.

Markmið þjónustunnar er að kalla barn inn með góðum fyrirvara og koma í veg fyrir óþarfa biðtíma.

Hjúkrunarfræðingar hringja í foreldra þegar búið er að skipuleggja þá rannsókn eða aðgerð sem fyrirhugað er að barnið fari í.

Deild 21 E, Barnaspítala Hringsins

  • Sigríður Hulda Njálsdóttir, s. 543 3031
  • Auður Ragnarsdóttir, s. 543 3032

Staðsetning: 1. hæð Barnaspítalans.
Opin: Virka daga frá kl. 09:00 til 15:30 nema föstudaga, þá er hún opin frá kl. 09:00 til 12:00.
Símar: 543 5027 og 543 3050
Umsjón: Gróa Gunnarsdóttir og Sigurbjörg A. Guttormsdóttir leikskólakennarar

Fyrir hverja?

Leikstofan er fyrir öll börn og unglinga sem dvelja á Barnaspítala Hringsins.  Foreldrar þeirra og systkyni eru einnig velkomin.
Á leikstofunni eru leikskólakennarar sem vinna með vörnum í öruggu og barnvænu umhverfi.

Hvað gerum við?

Á leikstofunni eru leikskólakennarar sem vinna með börnunum í öruggu og barnvænu umhverfi. Hvert barn er einstakt og því er lögð áhersla á að koma til móts við þarfir hvers barns í gegnum leik. Á leikstofunni er efni og aðstaða til skapandi starfa, þar er vandað og fjölbreytt úrval leikfanga, spila, DVD-diska og tölvuleikja. Margt af þessu er hægt að fá lánað inn á herbergi til inniliggjandi barna.

Öllum börnum er nauðsynlegt að fá tækifæri til að leika sér. Það hjálpar þeim við að aðlagast breyttum aðstæðum og veitir þeim gleði. Leikur er alþjóðlegt tungumál barnanna. Mikilvægt er að foreldrar og starfsfólk hvetji börnin til að heimsækja leikstofuna og taka þátt í starfinu þar.

Oft koma góður gestir á leikstofuna, t.d. hvítabjörninn Hringur, Róbert og Hrafn frá Skákfélaginu Hróknum, Daníel blöðrumeistari og trúðurinn Dr. Oliver svo nokkrir séu nefndir.

Staðsetning:  1. hæð Barnaspítalans 
Nemendurnir:  Skólinn er fyrir öll börn undir 18 ára aldri sem eiga beiðni um rannsókn, aðgerð og meðferð. Systkyni veikra barna eru einnig velkomin í skólann
Kennarar: Dóra Guðrún Kristinsdóttir, Helga Þórðardóttir og Guðrún Þórðardóttir, starfsmenn Austurbæjarskóla
Þjónustutími: Mánudagar, miðvikudagar og föstudagar frá kl. 09:00 til 13:00
Sími: 543 1000

Hvað gerum við?

Sjúkrahússkólinn er tengiliður nemandans við heimaskólann sinn.  Að fengnu leyfi foreldra hafa sjúkrahúskennarar samband við kennara nemandans og í samráði við hann skipuleggja þeir kennsluna á sjúkrahúsinu.  Reynt er að fylgja námsefni bekkjarins að því marki sem ástand barnsins og aðstæður á sjúkrahúsinu leyfa.

Grunnskólinn er vel búinn námsgögnum sem tilheyra grunnskólastiginu. Hægt er að fá ýmiss konar námsgögn lánuð hjá kennurum á meðan á sjúkrahúsdvöl stendur. Auk þess er hægt að fá ýmiss konar afþreyingarefni svo sem sögubækur, spil, forrit o.fl.  Eldri nemendur geta fengið lánaðar nettengdar fartölvur.

Ef sýnt þykir að barn þurfi að dvelja um einhvern tíma á Barnaspítalanum er æskilegt að foreldrar/forráðamenn láti bekkjarkennara barnsins vita. Kennarinn getur þá tekið til námsgögn og námsáætlun sem nemandinn hefur með sér á spítalann.  Foreldrar ættu að hvetja börn sín til að nýta sér þá kennslu sem veitt er í skólanum eftir því sem heilsan leyfir.  Ef nauðsyn þykir getur kennsla farið fram á sjúkrastofu.  Foreldrar eru ávallt velkomnir á skólastofuna.

 

 

Staðsetning: Jarðhæð Barnaspítalans. 
Þjónustutími: Alla virka daga frá kl. 08:00 til 14:00
Sími: 543 3131
Umsjón: Ragna Eysteinsdóttir

Veitingastofa Hringsins er með  léttar veitingar af ýmsu tagi:

  • Heit súpa
  • Salat
  • Samlokur 
  • Margt fleira

Veitingastofa Hringsins selur einnig gjafavörur sem eru tilvaldar í skírnar- og sængurgjafir. 
Handverkið er unnið af Hringskonum

Veitingastofan rekur líka gos-, og sælgætissjálfsala á jarðhæð Barnaspítala Hringsins.

Þeir foreldrar sem dvelja hjá börnum sínum fimm daga eða lengur og foreldrar langveikra barna eiga rétt á afsláttarkorti.

  • Ritarar á deildum afhenda afsláttarkortið fyrir hverja máltíð
  • Afsláttarkortið gildir ekki fyrir allan mat

Hjá veitingastofunni er hægt að panta veitingar fyrir ráðstefnur og fundi.

  • Móttaka pantana er í síma 543 3131

Kynningarmyndband Veitingastofu Hringsins

HRINGURINN STYRKIR VEIK BÖRN Á ÍSLANDI!

Teymi sérfræðinga með sérhæfingu á mismunandi sviði fylgja börnum eftir og sjá til þess að þau fái frábæra þjónustu. 

Þar eru gildi Landspítala um umhyggju, fagmennsku, öryggi og framþróun höfð að leiðarljósi.

Astma- og ofnæmisteymi

Átröskunarteymi BUGL

Bráðateymi BUGL

Börn með svefnvanda

CF Teymi (Slímseigjusjúkdómur)

Fyrirburateymi

Gigtarteymi

Göngudeildarteymi A og B - BUGL

Hjartateymi

Krabbameinsteymi

Meltingarteymi

Nýrna- og þvagfærateymi

Sykursýkisteymi

Taugateymi - Barnaspítali

Taugateymi BUGL

Síðbúnar afleiðingar krabbameina

Smitsjúkdómateymi

 

 

Staðsetning: Deild 22A á Barnaspítalanum
Þjónustutími: Alla virka daga frá kl. 08:00 til 16:00
Sími: 543 1000
Prestur: 
Vigfús Bjarni Albertsson

Prestur sinnir viðtalsþjónustu við einstaklinga óháð lífsskoðunum. Boðið er upp á fjölskyldufundi og eftirfylgd.

Prestar og djákni við Landspítala hafa  framhaldsmenntun í sorgar- og áfallastarfi og er markmiðið að koma til móts við einstaklinga þar sem þeir eru staddir hverju sinni.

Þegar ekki eru athafnir eða viðtöl í kapellunni geta aðstandendur átt þar kyrrðarstund.

Þjónusta: Alla virka daga kl. 08:00-16:00
Sími: 
543 1000
Félagsráðgjafar: Anna Sigrún Ingimarsdóttir, Guðlaug María Júlíusdóttir, Kristín V. Ólafsdóttir

Félagsráðgjafar á Barnaspítala Hringsins styðja sjúklinga og fjölskyldur þeirra við að takast á við þær fjölþættu sálfélagslegu aðstæður sem upp geta komið í tengslum við það að eiga við veikindi að stríða og álag sem einnig getur fylgt veikindum og aðstæðum tengdum heilsufari.  Þeir eru sem brú á milli spítalans og heimaumhverfis; fjölskyldulífs, heimilis og samfélags.

 

Staðsetning: Deild 22E á Barnaspítalanum
Starfsmenn: Berglind Brynjólfsdóttir sálfræðingur, Drífa Björk Guðmundsdóttir sálfræðingur,  Drífa Jenný Helgadóttir sálfræðingur
Sími: 543 1000

Öllum skjólstæðingum Barnaspítalans sem hafa þörf á sálfræðiþjónustu stendur hún til boða gegn innanhússtilvísun.  Börnum og aðstandendum þeirra er veitt áfallahjálp, sérhæfð viðtalsmeðferð, stuðningur og ráðgjöf eftir þörfum hvers og eins. 

Sálfræðingar eru virkir þátttakendur í þverfaglegu starfi hinna ýmsu teyma Barnaspítalans.  Þeir sérhæfa sig í því að þjóna börnum og unglingum með ákveðna sjúkdóma og vinna í nánu samstarfi við aðrar fagstéttir.

 

 

 Kynnið ykkur einnig sjúklingafræðsluna. 

Sjúklingar og aðstandendur á Barnaspítala geta fengið aðgang að „gestaneti“ spítalans.

Þannig er hægt að komast í tölvupóstsamskipti og nota samfélagsmiðla og vafra á netinu.

 

Gestanet Landspítala - hvernig tengist ég?

Smellt er á LSH-Gestanet og beðið um lykilorð sem fæst síðan sent.

  • Vinsamlega virðið einkalíf annarra sjúklinga og ræðið ekki það sem þið kunnið að verða áskynja um heilsufar þeirra og hagi
  • Dreifið ekki myndum af starfsfólki og sjúklingum án leyfis á samfélagsmiðla

Tilmæli varðandi notkun á Netinu

Veraldarvefurinn er eins og þekkt er frábært verkfæri til að miðla þekkingu, til tengslamyndunar og til dægrastyttingar.  Það er þess vegna ekki að undra að foreldrar sem dvelja með börn sín á Barnaspítalanum noti Netið til að halda tengslum við vini og ættingja, gefa upplýsingar um barnið, sjúkdóma og sína eigin líðan. Þetta er gert með bloggi, heimasíðum, dagbókum, Facebook og öðrum þess háttar síðum.

Starfsfólk Barnaspítalans bendir á nokkrar einfaldar leiðbeiningar varðandi skrif á Netið um þá skjólstæðinga sem tengjast Barnaspítalanum. Er þetta gert með hag skjólstæðinga okkar að leiðarljósi.

Við biðjum um að þið hafið eftirfarandi í huga:

  • Talið ekki um aðra sjúklinga, aðstandendur eða starfsfólk nema með leyfi viðkomandi
  • Setjið ekki inn myndir af öðrum börnum, aðstandendum eða starfsfólki nema með leyfi viðkomandi
  • Setjið ekki upplýsingar úr sjúkraskrá á Netið
  • Setjið ekki upplýsingar eða myndir af ykkar eigin barni án þess að íhuga vandlega hvort það þjóni hagsmunum barnsins
  • Virðið friðhelgi einkalífsins.

 Stjórnendur Barnaspítalans hafa einnig óskað eftir því við starfsfólk sem notar Facebook í frístundum sínum að það afþakki beiðni skjólstæðinga, foreldra og aðstandenda um að gerast vinir á Facebook. Það er gert til að vernda einkalíf starfsmanna og eru skjólstæðingar og aðstandendur beðnir að virða það.
 Hins vegar viljum við gjarnan ræða beint við foreldra og aðra aðstandendur þegar þörf er á inni á sjúkrahúsinu.

Starfsmenn eru bundnir þagnarskyldu og ræða ekki um sjúklinga eða aðstandendur þeirra á Netinu.
Við viljum að Barnaspítalinn sé öruggur og góður staður að dvelja á fyrir skjólstæðinga og starfsfólk. Þess vegna er mikilvægt að virða trúnað og þagnarskyldu.

 

Íbúðir fyrir aðstandendur

Sýna allt

Foreldra/aðstandendur búsettir á landsbyggðinni geta leigt íbúð á meðan barnið þeirra dvelur á spítalanum.

Íbúðirnar eru í eigu Barnaheilla, Styrktarfélags krabbameinssjúkra barna og Barnaspítala Hringsins.

Sif Jónsdóttir hefur umsjón með íbúðunum og tekur á móti fyrirspurnum.

Sími: 825 3729 eða 543 3700

Netfang: mottakabh@landspitali.is

Íbúðin að Eskihlíð 6A er dánargjöf Ólafs Halldórssonar og eiginkonu hans.

Íbúðin 6B er dánargjöf Árnínu Guðmundsdóttur hjúkrunarfræðings.

Íbúðirnar er til afnota fyrir aðstandendur barna af landsbyggðinni sem dvelja í Reykjavík á vegum Barnaspítala Hringsins.

Húsaleiga

  • Greiða skal 2.200,- kr. fyrir hvern sólarhring
  • Reikningur verður sendur til leigutaka að lokinni dvöl

Ef barnið ykkar leggst inn á barnadeild eigið þið rétt á endurgreiðslu dvalarkostnaðar hjá umboðsmanni Tryggingastofnunar ríkisins.

Reykingar

  • Athugið að reykingar eru ekki leyfðar í íbúðinni

Ræsting

  • Hver dvalargestur þrífur eftir sig og ætti því að koma að íbúðinni hreinni
  • Henda skal öllu rusli og fjarlægja öll matvæli úr ísskáp
  • Dósir og flöskur á hver og einn að taka með sér

Gluggar

  • Ganga þarf tryggilega frá festingum á gluggum.

Lín

  • Sængur og koddar eru til staðar í íbúðinni

Leigjandi þarf að hafa með sér:

  • Sængurver
  • Lök
  • Koddaver
  • Handklæði
  • Diskaþurrkur
  • Tuskur
  • Sápu
  • Klósettpappír

Þvottavél í eigu Barnaspítala er í sameiginlegu þvottahúsi í kjallara hússins.

Íbúðin er í eigu Styrktarfélags krabbameinssjúkra barna en í umsjá Barnaspítala Hringsins.

Íbúðin er ætluð til afnota fyrir aðstandendur barna af landsbyggðinni sem dvelja þurfa í Reykjavík vegna meðferðar eða rannsókna.

Fjölskyldur barna með krabbamein ganga fyrir.

Íbúðin er á 3. hæð nr. 301. Lyfta er í húsinu og eitt bílastæði er í bílageymslu í kjallara.

Húsaleiga

  • Greiða skal 2.200,- kr. fyrir hvern sólarhring sem dvalið er í íbúðinni
  • Reikningur verður sendur til leigutaka að lokinni dvöl
  • Ef barnið ykkar leggst inn á barnadeild eigið þið rétt á að sækja um endurgreiðslu dvalarkostnaðar hjá umboðsmanni Tryggingastofnunar
  • Staðfesting á sjúkrahúsdvöl barnsins er send til viðkomandi

Reykingar

  • Athugið að reykingar eru ekki leyfðar í íbúðinni

Ræsting

  • Hver dvalargestur þrífur eftir sig og ætti því að koma að íbúðinni hreinni
  • Henda skal öllu rusli og fjarlægja öll matvæli úr ísskáp
  • Dósir og flöskur á hver og einn að taka með sér

Lín

  • Sængur og koddar eru til staðar í íbúðinni

Leigjandi þarf að hafa með sér:

  • Sængurver
  • Lök
  • Koddaver
  • Handklæði
  • Diskaþurrkur
  • Tuskur
  • Sápu
  • Klósettpappír

Þvottavél er í íbúðinni.

Íbúðin er dánargjöf Önnu Friðriksdóttur hagfræðings.

Íbúðin er til afnota fyrir aðstandendur barna af landsbyggðinni sem dvelja í Reykjavík á vegum Barnaspítala Hringsins.

Íbúðin er á 4. hæð merkt Barnaspítala Hringsins.

Lyfta er í húsinu.

Húsaleiga

  • Greiða skal 2.200,- kr. fyrir hvern sólarhring sem dvalið er í íbúðinni
  • Reikningur verður sendur til leigutaka að lokinni dvöl
  • Ef barnið ykkar leggst inn á barnadeild eigið þið rétt á að sækja um endurgreiðslu dvalarkostnaðar hjá umboðsmanni Tryggingastofnunar
  • Staðfesting á sjúkrahúsdvöl barnsins er send til viðkomandi

Reykingar

  • Athugið að reykingar eru ekki leyfðar í íbúðinni

Ræsting

  • Hver dvalargestur þrífur eftir sig og ætti því að koma að íbúðinni hreinni
  • Henda skal öllu rusli og fjarlægja öll matvæli úr ísskáp
  • Dósir og flöskur á hver og einn að taka með sér

Lín

  • Sængur og koddar eru til staðar í íbúðinni

Leigjandi þarf að hafa með sér:

  • Sængurver
  • Lök
  • Koddaver
  • Handklæði
  • Diskaþurrkur
  • Tuskur
  • Sápu
  • Klósettpappír
Þvottavél í eigu Barnaspítala er í sameiginlegu þvottahús í kjallara hússins.

Íbúðin er í eigu Styrktarfélags krabbameinssjúkra barna en í umsjá Barnaspítala Hringsins.

Íbúðin er ætluð til afnota fyrir aðstandendur barna af landsbyggðinni sem dvelja þurfa í Reykjavík vegna meðferðar eða rannsókna.

Fjölskyldur barna með krabbamein ganga fyrir.

Íbúðin er á 2. hæð nr. 202. Lyfta er í húsinu.

Eitt bílastæði er í bílageymslu í kjallara.

Húsaleiga

  • Greiða skal 2.200,- kr. fyrir hvern sólarhring sem dvalið er í íbúðinni
  • Reikningur verður sendur til leigutaka að lokinni dvöl
  • Ef barnið ykkar leggst inn á barnadeild eigið þið rétt á að sækja um endurgreiðslu dvalarkostnaðar hjá umboðsmanni Tryggingastofnunar
  • Staðfesting á sjúkrahúsdvöl barnsins er send til viðkomandi

Reykingar

  • Athugið að reykingar eru ekki leyfðar í íbúðinni

Ræsting

  • Hver dvalargestur þrífur eftir sig og ætti því að koma að íbúðinni hreinni
  • Henda skal öllu rusli og fjarlægja öll matvæli úr ísskáp
  • Dósir og flöskur á hver og einn að taka með sér

Lín

  • Sængur og koddar eru til staðar í íbúðinni

Leigjandi þarf að hafa með sér:

  • Sængurver
  • Lök
  • Koddaver
  • Handklæði
  • Diskaþurrkur
  • Tuskur
  • Sápu
  • Klósettpappír
Þvottavél er í íbúð.

 Íbúðin er eign Barnaheilla.

Íbúðin er til afnota fyrir aðstandendur barna af landsbyggðinni sem dvelja í Reykjavík á vegum Barnaspítala Hringsins.

Íbúðin er á 4. hæð merkt Barnaspítala Hringsins.

Lyfta er í húsinu og eitt bílastæði er í bílageymslu í kjallara merkt SK32.

Húsaleiga

  • Greiða skal 2.200,- kr. fyrir hvern sólarhring sem dvalið er í íbúðinni
  • Reikningur verður sendur til leigutaka að lokinni dvöl
  • Ef barnið ykkar leggst inn á barnadeild eigið þið rétt á að sækja um endurgreiðslu dvalarkostnaðar hjá umboðsmanni Tryggingastofnunar
  • Staðfesting á sjúkrahúsdvöl barnsins er send til viðkomandi

Reykingar

  • Athugið að reykingar eru ekki leyfðar í íbúðinni

Ræsting

  • Hver dvalargestur þrífur eftir sig og ætti því að koma að íbúðinni hreinni
  • Henda skal öllu rusli og fjarlægja öll matvæli úr ísskáp
  • Dósir og flöskur á hver og einn að taka með sér

Lín

  • Sængur og koddar eru til staðar í íbúðinni

Leigjandi þarf að hafa með sér:

  • Sængurver
  • Lök
  • Koddaver
  • Handklæði
  • Diskaþurrkur
  • Tuskur
  • Sápu
  • Klósettpappír
Þvottavél er í íbúð.
Var efnið hjálplegt?
Takk fyrir
Af hverju ekki?