Öldrunarlækningadeild A K1

Aðsetur: 1. hæð K-álma Landakoti
Símanúmer: 543 9915 og 543 9863
Heimsóknartími: Er sveigjanlegur en heppilegasti tíminn er 15:00-20:00 alla daga.
Hjúkrunardeildarstjóri: Unnur G. Guðmundsdóttir
Læknar (sérfræðingar í lyf- og öldrunarlækningum):
                                        Kristmundur Ásmundsson
                                        Þórhildur Kristinsdóttir (heilsu- og færnimat).

Öldrunarlækningadeild K1 er 20 rúma deild er skiptist í meðferðar-og endurhæfingardeild annars vegar og lungnadeild hins vegar.

Meginstarf á deildinni felst í meðferð og endurhæfingu aldraðra. Markmiðið er að auka hæfni einstaklingsins til þess að takast á við athafnir daglegs lífs og/eða auka líkamlega, andlega og félagslega færni þeirra.  Lögð er áhersla á að fá góða yfirsýn yfir aðstæður hvers og eins og reynt er að leita úrlausna í samvinnu við þá sem í hlut eiga.  Þurfi sjúklingurinn aðstoð eftir að heim er komið svo sem heimahjúkrun eða heimilishjálp er hún skipulögð fyrir útskrift af starfsfólki deildarinnar.

Margir sjúklingar þurfa að gangast undir rannsóknir og meðferð á öðrum deildum Landspítala, í Fossvogi eða við Hringbraut. Ferðir þangað eru á vegum deildarinnar.

Fjölskyldufundir eru haldnir eftir þörfum.

• Dagbók sjúklinga á öldrunarlækningadeild