Leit
Loka

Göngudeild skurðlækninga B3

Á deildinni er veitt sérhæfð göngudeildarþjónusta við sjúklinga auk ráðgjafar og kennslu. Þar fara fram ýmsar rannsóknir, greiningar og meðferðir á vegum háls-, nef- og eyrnalækna, heila- og taugaskurðlækna, lýtalækna og æðaskurðlækna.

Deildarstjóri

Sólveig Sverrisdóttir

Banner mynd fyrir  Göngudeild skurðlækninga B3

Sími: 543 1000 

Í þessu númeri er mánudaga til fimmtudaga kl. 09:00-15:00 og föstudaga kl. 09:00-12:00 leyst úr erindum sem varða:

  • vottorð
  • lyfseðla
  • lyfjaendurnýjanir
  • skilaboð til lækna
  • upplýsingar um biðlista fyrir skurðaðgerð
  • upplýsingar um tímapantanir

Ef erindið er annað er gefið samband við deildina.

 

Hér erum við

Landspítali Fossvogi, 3. hæð – B álma

 

Deildir og fræðsla

Tekið á móti sjúklingum sem eru á leið í áður fyrirhugaðar aðgerðir á vegum bæklunarlækna, háls-, nef- og eyrnalækna, lýtalækna, æðaskurðlækna og heila- og taugaskurðlækna.

Hjúkrunarfræðingar taka á móti öllum sjúklingum og halda utan um innskriftir og undirbúning fyrir aðgerðina ásamt því að veita fræðslu til sjúklinga og aðstandenda um það sem er í vændum.  Þar gefa sjúklingar upplýsingar sem nauðsynlegar eru og hjúkrunarfræðingar sjá um að samhæfa skoðun og undirbúning fagfólks svo sem svæfingarlækna, sjúkraþjálfara, deildarlækna, iðjuþjálfa og fleiri.

Einnig eru gerðar rannsóknir sem nauðsynlegar eru taldar fyrir aðgerð svo sem blóðrannsóknir, röntgenmyndatökur og tekið hjartalínurit ef það á við.

 

Göngudeild æðaskurðlækninga

  • Lilja Þyri Björnsdóttir - móttaka á mánudögum, kl. 9:00-13:00
  • Karl Logason - móttaka á mánudögum, kl. 10:00-12:00

Á göngudeildinni er aðallega hugað að sjúklingum með slagæðasjúkdóma.

  • Viðtal við sjúkling og hefðbundin líkamsskoðun.
  • Rannsóknir á æðakerfinu; mældur þrýstingur í útlimum, ómskoðun og álagspróf á göngubretti eftir því sem við á.    

Tilvísun frá lækni þarf til að bóka fyrsta tíma.  Senda má rafræna tilvísun eða beiðni um ráðgjöf á viðeigandi æðaskurðlækni gegnum Sögukerfi eða skriflega tilvísun í bréfpósti á skrifstofur æðaskurðlækna C11 á Landspítali Fossvogi.  Sjúklingar sem hafa verið hjá tilteknum lækni áður geta bókað tíma beint í síma 543 7390. 

Almennar fyrirspurnir:
Hrönn H. Bachmann, læknaritari æðaskurðdeildar í síma 543 7464

 
 

Þjónustutími:  Móttaka á 6 til 8 vikna fresti eftir samkomulagi.   

Æðaflækjuteymi Landspítala er þverfaglegt með aðkomu æðaskurðlækna, ífarandi röntgenlækna, lýtalækna, handarskurðlækna, háls-, nef- og eyrnaskurðlækna, barnabæklunarlækna auk annarra eftir því sem við á.  

Teymið skoðar myndrannsóknir fyrirfram og ræðir svo við og skoðar sjúkling saman.  Það veitir ráð um meðferð, gerir beiðnir fyrir hjálpartæki ef við á og ákvarðar þörf fyrir eftirfylgd.

Tilvísun frá lækni þarf til að bóka tíma hjá æðaflækjuteymi og er tilvísun beint til umsjónarmanns teymisins:
Eyrún Ó. Guðjónsdóttir skurðhjúkrunarfræðingur, eyrunosk@landspitali.is.     

Senda má rafræna tilvísun eða beiðni um ráðgjöf gegnum Sögukerfi eða senda skriflega tilvísun í bréfpósti á Æðaflækjuteymi, B3, Landspítali Fossvogi, Reykjavík.  

 
 

 

Á sáramiðstöð er áhersla á greiningu og ráðgjöf við meðferð langvinnra sára. Starfsemi er þverfagleg; hjúkrunarfræðingar sinna sjúklingi  í samvinnu við æðaskurðlækna, húðlækna, lýtalækna, innkirtlalækna, smitsjúkdómalækna, bæklunarlækna og fótaaðgerðafræðing.

Að loknu mati á sáramiðstöð er ákveðið hvort þörf er á frekari meðferð eða eftirfylgd þar.

Til að fá þjónustu þarf tilvísun frá heilbrigðisstarfsmanni sem getur til dæmis verið læknir, hjúkrunarfræðingur eða fótaaðgerðafræðingur.

Beiðnum er sinnt eins fljótt og auðið er. 
Gera má ráð fyrir bið í allt að þrjár vikur ef beiðni er ekki metin brýn.

Var efnið hjálplegt?
Takk fyrir
Af hverju ekki?