Hjúkrunarfræðingur í átröskunarteymi - afleysing

Hefur þú áhuga á hjúkrun einstaklinga með átraskanir? 

Öflugur hjúkrunarfræðingur óskast í afleysingastöðu til eins árs á dagdeild átröskunarteymis Landspítala. Teymið er eitt af sérhæfðum göngudeildarteymum á meðferðareiningu lyndisraskana og er staðsett á Kleppi. 

Átröskunarteymið er þverfaglegt teymi, en í því starfa hjúkrunarfræðingar, sálfræðingar, geðlæknir, atferlisfræðingur, næringarfræðingur, iðjuþjálfar, fjölskyldufræðingur og ráðgjafi. Teymið sinnir greiningu og meðferð einstaklinga 18 ára og eldri sem glíma við átraskanir og býður upp á dag- og göngudeildarmeðferð. Rík áhersla er lögð á öfluga og uppbyggilega teymisvinnu, framþróun innan teymisins og unnið er að fjölbreyttum umbótaverkefnum.  

Hjúkrunarfræðingar gegna mikilvægu hlutverki í meðferð einstaklinga með átröskun og felst starfið meðal annars í að aðstoða notendur við að koma á heilbrigðum og reglubundnum matarvenjum ásamt því að veita ráðgjöf og fræðslu, meta einkenni, heilsufar og líðan. 

Geðþjónustan leggur áherslu á að styðja við vöxt og þróun í starfi, meðal annars með því að bjóða upp á handleiðslu og starfsþróunarár fyrir hjúkrunarfræðinga. 

Starfshlutfall er 80-100% og unnið er í dagvinnu. Ráðið verður í starfið sem fyrst eða skv. nánara samkomulagi.