Transteymi fullorðinna
Transteymi fullorðinna sinnir greiningu og meðferð einstaklinga með kynama (gender dysphoria) og náð hafa 18 ára aldri.
Staðsetning: Greiningarteymið er staðsett á göngudeild Kleppi.
Opnunartími: Viðtalstímar eru á mánudögum en fyrirspurnum er svarað virka daga kl. 8-16.
Hafa samband: Þeir sem eru á biðlista eða eru komnir í meðferð geta haft samband með því að senda fyrirspurn í gegnum Heilsuveru.
Hagnýtar upplýsingar
Þjónustu teymisins má skipta í tvo hluta, greiningartímabil og meðferð eftir greiningu.
Greiningartímabilið tekur að öllu jöfnu um 6 mánuði og á þeim tíma hittir einstaklingurinn fagaðila teymisins; geðlækni og sálfræðing. Einnig talmeinafræðing ef óskað er eftir.
Að greiningartíma loknum er tekin ákvörðun um framhaldið og gerðar eru tilvísanir til annarra fagaðila eftir því sem við á, eins og innkirtla-, lýta-, kvensjúkdóma-, þvagfæraskurð- eða háls-, nef- og eyrnalækna.