DAM teymi Landspítala

• Meginverkefni teymisins er að sinna einstaklingum með alvarlegan tilfinningavanda.
• Í DAM teymi er beitt díalektískri atferlismeðferð (DAM- meðferð) sem er gagnreynt meðferðarúrræði sem þróað var af Marsha Linehan.
• Í DAM meðferð er lögð áhersla á aukna meðvitund um hugsanir og tilfinningar (núvitund) og færni í tilfinningastjórn, samskiptum og streituþoli. Heildarmarkmið meðferðar er að stuðla að bættri samskiptafærni, tilfinningaviðbrögðum, hugsunum og hegðun í tengslum við vandamál í daglegu lífi.

Tímalengd meðferðar eru um sex mánuðir. Meðferðin samanstendur að lágmarki af DAM færniþjálfun sem er kennd í hóp einu sinni í viku og samhliða einstaklingsviðtölum einu sinni í viku.

• Meðferðin er einstaklingsbundin og aðkoma ólíkra starfstétta er mismunandi hverju sinni.
• Aðstandendafræðsla er í boði fyrir aðstandendur skjólstæðinga teymisins sem eru við það að ljúka DAM meðferð. Sjúklingar fá upplýsingar um fræðsluna undir lok meðferðar.

DAM meðferð skiptist í fjóra þætti:

• Núvitund
  • Markmið núvitundar er að verða meðvitaðri um hugsanir, tilfinningar og líkamleg viðbrögð. Núvitundin hjálpar einnig við að njóta þess sem er og lifa lífinu með aukinni ánægju.
• Streituþol
  • Kenndar eru aðferðir til að sefa erfiðar tilfinningar um stundarsakir svo hægt sé að beita hjálplegri leiðum til að ná tökum á streitu. Streituþolsfærni skiptist í tvo þætti annars vegar að þola við í erfiðum aðstæðum og tilfinningum án þess að gera þær verri og hins vegar að læra að gangast við raunveruleikanum eins og hann er í raun og veru.
• Tilfinningastjórnun
  • Fræðsla um tilfinningar, bera kennsl á eigin tilfinningar, hlutverk þeirra og hvernig þær hafa áhrif á líkama okkar og hegðun. Auk þess eru kenndar aðferðir til þess að vinna með óvelkomnar tilfinningar.
• Samskiptafærni
  • Kennd færni til að auka árangursrík samskipti, svo sem vinna með erfiðleika í samskiptum og leiðir til að byggja upp og rækta sambönd.

Bækur

• Stop walking on eggshells. Höfundar: Mason og Kreger
• Loving someone with Borderline Personality Disorder. Höfundur: Manning
• Borderline Personality Disorder: A guide for the newly diagnosed. Höfundar: Chapman og Gratz

Vefsíður

• Borderline Personality Disorder Central
•  BPD World
• Family connections