Bráðateymi BUGL
Ef talin er þörf á tafarlausri þjónustu er haft samráð við vakthafandi barna- og unglingageðlækni sem ákveður hvort málinu er vísað áfram á bráðamóttöku barnadeildar á Barnaspítala Hringsins eða það sett í annan viðeigandi farveg.
Hvernig er best að ná í okkur?
Bráðaþjónustan við Dalbraut er opin kl. 8:00 til 16:00 virka daga.
Sími: 543 4300.
Vinsamlegast athugið að starfsfólk deildarinnar veitir ekki símaráðgjöf vegna barna sem ekki eru í þjónustu á BUGL. Við bendum aðstandendum á að hafa samband við heilsugæslu eða málstjóra í nærumhverfi vegna slíkra mála.
Síðast uppfært 29.09.2021
Hagnýtar upplýsingar
Bráðaþjónusta er veitt á göngudeild BUGL.
Þar starfar bráðateymi sem tekur á móti símtölum og metur hvort mál krefjist tafarlausrar íhlutunar.
Sé svo fer fram bráðamat á göngudeild þar sem málinu er komið í viðeigandi farveg og tekin afstaða til hvort þörf sé fyrir innlögn á legudeild BUGL.
Bráðateymi sendir skriflegar upplýsingar um niðurstöðu bráðamats til heilsugæslulæknis og annarra meðferðaraðila í heimabyggð að loknum afskiptum BUGL.
Síðast uppfært 29.09.2021