Sálgæsla presta og djákna

Sjúkrahúsprestar og djákni á Landspítala sinna sálgæslu og helgihaldi og starfa í samvinnu við aðra heilbrigðisstarfsmenn að velferð sjúklinga og aðstandenda þeirra. Unnið er bæði með einstaklingum og fjölskyldum. Boðið er upp á fjölskyldufundi og eftirfylgd. Sjúkrahúsprestar og djákni sinna einnig fræðslu, handleiðslu og hópastarfi.

Markmið sálgæslunnar er að liðsinna þeim sem glíma við sárar tilfinningar og erfiðar tilvistarspurningar tengdar veikindum og alvarlegum áföllum. Þjónustan stendur öllum opin, jafnt sjúklingum sem aðstandendum og starfsfólki spítalans, án tillitis til lífsskoðana eða trúarafstöðu.

Hafa samband.  Sjúkrahúsprestar og djákni ganga vaktir þannig að hægt er að ná í þá hvaða tíma sólarhringsins sem er allt árið um kring. Beiðnum um þjónustu má koma á framfæri við sjúkrahúsprest, djákna, hjúkrunarfræðing eða lækni.  

Helgihald. Reglubundið helgihald fer fram bæði á helgum og rúmhelgum dögum. Nánari upplýsingar um það eru veittar á deildinni og að jafnaði í viðburðadagatalinu á forsíðu vefs Landspítala.  

Sálgæsla presta og djákna

 

Starfsmenn

Dagbjört Eiríksdóttir djákni
Barnaspítali/meðganga og sængurlega, fæðingarvakt
s. 543 8027/ 824 5506

Díana Ósk Óskarsdóttir prestur 
Landspítali/Geðdeildir
s. 543 8233 / 824 5413    

Eysteinn Orri Gunnarsson prestur  
Landspítali Hringbraut
s. 543 8415 / 824 5508

Guðlaug Helga Ásgeirsdóttir prestur 
Landspítali líknardeild Kópavogi 
s. 543 8249 / 824 5507 

Gunnar R. Matthíasson prestur  
Landspítali Fossvogi 
s.543 8308 / 824 5501 

Ingólfur Hartvigsson prestur 
Landspítali Fossvogi 
s. 543 4273 / 824 5505 

Rósa Kristjánsdóttir djákni 
Landspítali Hringbraut
s. 543 9244 / 824-5081 

Sveinbjörg Katrín Pálsdóttir 
Landspítali Landakoti / Landspítali Vífilsstöðum
s.543 8248 / 824 8245 

Sálgæsla getur reynst hjálpleg þegar þú

• þarfnast traustrar nærveru, uppörvunar og stuðnings
• ert kvíðin(n), óörugg(ur), döpur/dapur, reið(ur) eða sorgmædd(ur)
• þarfnast einhvers sem hlustar á þig og leitast við að skilja þig
• þarfnast leiðsagnar í samskiptum við starfsfólk/ fjölskyldumeðlimi
• vilt tala um trú þína, efasemdir og spurningar og dýpka þín eigin svör og skilning
• leitar tilgangs
• ert að missa stjórnina
• vilt fyrirbæn og hjálp til trúariðkunar
• þarfnast eftirfylgdar

Á Landspítala eru 6 kapellur sem eru notaðar í þjónustu presta og djákna og fyrir samveru- og kyrrðarstundir:

• Fossvogur (tvær)
• Hringbraut
• Landakot
• Kleppur
• Líknardeildin í Kópavogi

Sjúkrahúsprestar og djákni á Landspítala liðsinna aðstandendum eftir því sem óskað er, leiða kveðjustund og veita nauðsynlegar upplýsingar um framvindu mála eða kalla til viðkomandi sóknarprest sé þess óskað.

Andlát - upplýsingasíða