Fagráð iðjuþjálfa

Fagráð iðjuþjálfa á Landspítala var stofnað í apríl 2010. Í því sitja hverju sinni 6 iðjuþjálfar frá stærstu starfseiningunum iðjuþjálfunar.

Markmið fagráðsins er að

1. stuðla að þróun og framförum í starfsemi iðjuþjálfa varðandi þjónustu við sjúklinga, menntun nemenda, endurmenntun starfsfólks og vísindarannsóknir
2. rannsóknir verði samþættar starfi iðjuþjálfa og áhersla verði lögð á klínískar rannsóknir sem skili sér í bættri meðferð sjúklinga spítalans
3. vera ráðgefandi vettvangur um fagleg málefni fyrir iðjuþjálfa Landspítala og stjórnendur sé eftir því leitað
4. taka þátt í að móta stefnu Iðjuþjálfunar Landspítala og starfsþróun iðjuþjálfa í samvinnu við yfiriðjuþjálfa.

Leiðir að markmiðum

• Gera starfsáætlun árlega
• Halda málþing árlega þar sem iðjuþjálfar kynna efni um gagnreynda iðjuþjálfun
• Halda utan um skráningu vísinda- og útgáfustarf iðjuþjálfa
• Hvetja til kynningar innan Landspítala á iðjuþjálfun á alþjóðadegi iðjuþjálfa
• Halda utan um fræðslu sem iðjujálfar sækja sér
• Halda utan um fræðslu sem iðjuþjálfar halda fyrir aðra