Heilbrigðisgagnafræðingur - Barnaspítali Hringsins
Við óskum eftir að ráða öflugan heilbrigðisgagnafræðing til starfa á Barnaspítala Hringsins, Landspítala. Starfið felst í almennum og sérhæfðum störfum heilbrigðisgagnafræðinga ásamt náinni vinnu með fagteymum Barnaspítalans. Verkefnin eru fjölbreytt og mikil þverfagleg samskipti.
Þjónustan er í stöðugri framþróun og kapp er lagt á notendamiðaða þjónustu og styttingu biðtíma. Í boði er fjölbreytt og líflegt starf með tækifærum til starfsþróunar. Við tökum vel á móti nýju samstarfsfólki. Heilbrigðisgagnafræðingar eru lykilstarfsfólk og þeirra framlag í daglegum störfum er mikils metið.
Starfshlutfall er samkomulag, unnið er í dagvinnu alla virka daga. Ráðið verður í starfið frá 1. janúar 2026 eða eftir samkomulagi.
- Þátttaka í þverfaglegri vinnu með fagteymum
- Gagnavinnsla og umsýsla rafrænna sjúkraskráa og vinnulista
- Móttaka, umsýsla og afhending gagna
- Samskipti við foreldra og aðra sem koma að málefnum barna í þjónustu Barnaspítala
- Þátttaka í umbótastarfi og þróun þjónustu
- Gæðaeftirlit
- Önnur verkefni í samráði við næsta yfirmann
- Íslenskt starfsleyfi sem heilbrigðisgagnafræðingur
- Jákvætt viðmót, þjónustulipurð og samskiptahæfni
- Skipulögð vinnubrögð, sjálfstæði í starfi og geta til að vinna undir álagi
- Góð íslensku- og enskukunnáttu
- Góð tölvukunnátta er skilyrði, þekking á Sögukerfi Landspítala er kostur
- Hreint sakavottorð
Frekari upplýsingar um starfið
Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, heilbrigðisgagnafræðingur
Tungumálahæfni: Íslenska 4/5, enska 4/5