Sjónvarp

Landspítali er ekki bara stærsta og öflugasta sjúkrahús landsins heldur líka mikilvæg menntastofnun. Á hverju ári sækja um 1.500 nemendur menntun sína og starfsþjálfun til spítalans. Á Landspítala gefst nemendum úr ólíkum greinum heilbrigðisvísinda tækifæri til að vinna saman og læra af hvor öðrum. Eitt dæmi um þetta er kennslulota sem haldin var nýlega þar sem leiddir voru saman sérnámslæknar í geðlæknisfræði og sérnámslyfjafræðingar í klínískri lyfjafræði. Hóparnar tóku saman fyrir og greindu ákveðna lyfjaflokka t.d. geðrofslyf, þunglyndislyf og kvíðalyf. Sérnámslæknar og sérnámslyfjafræðingar unnu saman að undirbúningi fyrir fræðsluna og nýttu þannig sérþekkingu hvors annars til að efla þekkingu sína. Jafningjafræðsla af þessum toga hefur mælst mjög vel fyrir enda er mikil áhersla á þverfaglegt samstarf í klínísku starfi. Hér má sjá viðtöl við Helgu Rut Steinsdóttur sérnámslyfjafræðing í klínískri lyfjafræði og Tómas Hrafn Ágústsson sérnámslækni í geðlæknisfræði þar sem þau fjalla um kennsluna.

„Það kom í ljós að þörfin er mikil,“ segir Jóhanna Erla Guðjónsdóttir félagsráðgjafi á bráðamóttöku Landspítala. Félagsráðgjafar voru þar til nýlega ekki starfandi á bráðamóttöku en eftir að tilraunaverkefni sem farið var í á síðasta ári sýndi fram á mikilvægi var ákveðið að bæta úr því. Á meðal þeirra mála sem félagsráðgjafar sinna á bráðamóttökunni eru barnaverndarmál og heimilisofbeldismál. Nánar er rætt við Jóhönnu Erlu í meðfylgjandi myndbandi.

Vilhelmína Þ. Einarsdóttir, sérfræðingur í hjúkrun og doktorsnemandi.

Fagnar 40 ára starfsafmæli Mannauðurinn er forsenda alls sem við gerum á Landspítala og okkar mikilvægasta auðlind, Á spítalanum vinnu fjölbreyttur hópur fólks með breiða þekkingu og mikla reynslu, en fá eru jafn reynslumikil og Svandís Bára Karlsdóttir. Svandís er sjúkraliði og hóf störf á hjartadeild árið 1983. Hún fagnaði því 40 ára starfsafmæli á dögunum en vinnufélagar hennar á hjartadeildinni buðu upp á vöfflur í tilefni dagsins. Svandís segir að sjúkraliðastarfið sé gefandi og skemmtilegt og hún finni á hverjum degi að starfið skipti máli. Nánar er rætt við Svandísi í meðfylgjandi myndbandi.

Á Landspítala er rekin hjúkrunarmóttaka fyrir einstaklinga sem nota vímuefni í æð. Oft eru þetta einstaklingar sem eru að glíma við heimilisleysi eða erfiðar félagslegar aðstæður. Hjúkrunarfræðingar taka á móti einstaklinum á göngudeild smitsjúkdóma, skima fyrir HIV og Lifrabólgu C, veita fræðslu og gefa örugg áhöld til neyslu. Markmiðið er að koma til móts við einstaklinga með flóknar þjónustuþarfir og mæta þeim á þeirra forsendum. Í meðfylgjandi myndbandi er rætt við Önnu Tómasdóttur og Bjarteyju Ingibergsdóttur, hjúkrunarfræðinga á göngudeild smitsjúkdóma, en þær hafa borið hitann og þungann af þessu verkefni.

Barna- og unglingageðdeild Landspítala hélt nýverið vel heppnaða ráðstefnu um Skólaforðun. Skólaforðun er meðvituð eða ómeðvituð hegðun sem barn eða unglingur sýnir þegar mæta á í skólann og birtist í erfiðleikum með að sækja skóla hvort sem um er að ræða heilan skóladag eða hluta úr degi í lengri eða skemmri tíma. Rannsókn Velferðarvaktar 2019 sýndi að gera má ráð fyrir að 2,2% grunnskólanema, eða um eitt þúsund börn, glími við skólaforðun hér á landi sem rekja má til kvíða, þunglyndis eða erfiðra aðstæðna heima fyrir. Ráðstefnan var vel sótt og fékk mikla athygli enda viðfangsefnið brýnt. Meðal fyrirlesara á ráðstefnunni var ungt fólk sem deildi eigin reynslu og sýn á skólaforðun. Hér er rætt við Chien Tai Shill félagsráðgjafa hjá BUGL og Shannon M. Bennett lektor og sálfræðing frá Bandaríkjunum.

Námskeið fyrir starfsfólk leik- og grunnskóla um sykursýki í börnum. Hjúkrunarfræðingarnir Elísabet Konráðsdóttir, Margrét Sigmundsdóttir og Pálína Hugrún Björgvinsdóttir sáu um fræðsluna.