Sálfræðingur á göngudeild barna- og unglingageðdeildar
Metnaðarfullur sálfræðingur óskast til starfa á göngudeild barna- og unglingageðdeildar Landspítala (BUGL). Starfið er í bráðateymi barna- og unglingageðdeildar Landspítala (BUGL).
Markmið bráðateymis er að sinna mati á bráðum alvarlegum geðrænum vanda. Þjónusta bráðateymis á dagvinnutíma fer fram á göngudeild BUGL. Þar er tekið á móti börnum og fjölskyldum þeirra í bókuð bráðaviðtöl og eftirfylgdarviðtöl. Náið samstarf er á milli bráðateymis og legudeildar BUGL en einnig nærumhverfis skjólstæðinga.
Í boði er fjölbreytt og líflegt starf þar sem þverfagleg teymisvinna og fjölskylduvinna er í forgrunni. Starfið býður upp á margvísleg tækifæri til að dýpka þekkingu á geðröskunum hjá börnum.
BUGL samanstendur af tveimur deildum á Landspítala, legu-/dagdeild og göngudeild. Þar er veitt sérhæfð og fjölskyldumiðuð þriðja stigs heilbrigðisþjónusta vegna geðræns vanda. Unnið er í þverfaglegum teymum og er mikil samvinna höfð við fagaðila í nærumhverfi.
Á BUGL starfa um 100 einstaklingar í fjölskylduvænu starfsumhverfi. Starfsaðlögun er markviss og miklir möguleikar eru til starfsþróunar og sérhæfingar. Þjónustan er í stöðugri framþróun og kapp er lagt á notendamiðaða þjónustu.
Starfið er tímbundið til 12 mánaða, ráðið er í það frá 1. október 2025 eða eftir nánara samkomulagi.
- Kortlagning á og viðbrögð við bráðum alvarlegum geðrænum vanda barna og unglinga
- Þátttaka í þverfaglegri teymisvinnu
- Önnur störf sem heyra undir starfsemi bráðateymis BUGL
- Íslenskt starfsleyfi sálfræðings
- Þekking á sálmeinafræði barna og unglinga
- Framúrskarandi færni í samskiptum og teymisvinnu
- Faglegur metnaður, jákvætt hugarfar og geta til að takast á við krefjandi verkefni
- Skipulagshæfni og öguð vinnubrögð
- Hæfni til að starfa samkvæmt öryggisverkferlum deildar
- Góð íslenskukunnátta, í mæltu og rituðu máli
- Góð almenn tölvukunnátta, geta til að læra nýjungar
- Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur
- Hreint sakavottorð
Frekari upplýsingar um starfið
Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.
Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, sálfræðingur
Tungumálahæfni: íslenska 4/5