Lífeindafræðingur við hjartaómun á hjartarannsóknarstofu Landspítala

Við hjartaómun á lyflækningasviði Landspítala er laust til umsóknar starf lífeindafræðings frá 15. mars 2019 eða eftir samkomulagi. Vinnutími er frá kl. 8-16 og mögulegt er að vinna að mastersverkefni samhliða starfi. Reynsla af hjartaómun er æskileg en vel kemur til greina að þjálfa lífeindafræðing sem áhuga hefur á verkefninu.

Á hjartarannsóknarstofu starfa um 20 manns í öflugu þverfaglegu teymi og í nánu samstarfi við hjartasérfræðinga. Þar eru m.a. gerð áreynslupróf, Holterrannsóknir, ómskoðanir á hjarta og gangráðseftirlit.