Að vinna á Landspítala

Ólöf Hanna er Garðbæingur og vinnur á heila, tauga- og bæklunarskurðlækningadeild, á B6 Landspítala í Fossvogi. Aðeins átta ára gömul ákvað hún að hjúkrunarfræðin yrði hennar fag. Rúmt ár er síðan hún snéri aftur til vinnu eftir 11 ára hlé. Ólöf segir spennandi tíma framundan en stefnt er að því að opna svokallaða hágæslu sem verður á vegum B6.

Katrín vinnur í símaveri Landspítala en þar er tekið við hundruðum símatala á degi hverjum. Hún og Guðmundur maðurinn hennar hafa gaman af því að ferðast enda börnin þeirra þrjú uppkomin. Þungarokk er hennar uppáhald í tónlist og sérstaklega þykir henni gaman af grjóthörðu þýsku iðnaðarrokki enda elskar hún þýsku.

Sólveig er búin að vinna á skiptiborði Landspítala í eitt ár. Hún keyrir yfir Hellisheiði daglega enda býr hún á Selfossi. Paradís á jörð er sælureitur hennar fyrir vestan á Rauðasandi með gulri baðströnd og selum. Hennar helsta ástríða er stangveiði í vötnum en kryddið í tilveruna er þegar Gissur fréttamaður er mættur á leið hennar í vinnunna.

Árni Kristófer Grétarsson

Þórdís Gerður Jónsdóttir er hjúkrunarfræðingur á bráðamóttöku barna á Landspítala. Hún þarf því að vera viðbúin hverju sem er, hvenær sem er. Aðalstarf Þórdísar er þó sellóleikur og hjúkrunin aukavinna. Hún er með burtfararpróf frá djassdeild FÍH (innskot: ekki Félag íslenskra hjúkrunarfræðinga, heldur hljómlistarmanna) og leggur nú stund á nám í klassískum sellóleik við Listaháskóla Íslands. Hafnfirðingurinn Þórdís býr í 101 og unir sér vel. Hún er sennilega eini djasssellóleikari landsins, en auglýsir eftir fleirum!

Þóra Gunnarsdóttir er deildarstjóri á deild L4 hjá Landspítala Landakoti, sem er sérhæfð deild fyrir heilabilaða einstaklinga. Þóra starfaði áður í sjö ár á bráðamóttöku í Fossvogi, en ákvað að breyta til haustið 2016 og taka við þessari stjórnunarstöðu. Samhliða leggur hún stund á meistaranám í mannauðsstjórnun við Háskóla Íslands. Eftirlætis verkefni Þóru í vinnunni lýtur að gæðaverkefni í umönnun sem kallast Namaste Care. Hún býr í Reykjanesbæ ásamt manni sínum og eina ungviðið heimavið er hundurinn Viktor. Börnin fimm eru nefnilega öll uppkomin. Þóra hefur gaman af því að elda góðan mat, kveikja á kertum og hafa það huggulegt. Þegar hún er ein heima, þá botnar hún græjurnar og dansar með tónlistinni. Okkar kona er nettur rokkari í sér og syngur hiklaust með tónlistinni í bílnum á leiðinni til og frá vinnu. Leave the first comment:

dr. Marianne Elisabeth Klinke, hjúkrunarfræðingur á taugalækningadeild

Í tilefni 100 ára afmælis Félags íslenskra hjúkrunarfræðinga þvældust útsendarar samskiptadeildar vítt og breitt um Landspítala og tóku nokkra hjúkrunarfræðinga tali. Viðtölin eru sýnd á sögusýningunni "Hjúkrun í 100 ár" á Árbæjarsafni og sömuleiðis hérna á samfélagsmiðlum Landspítala. Fyrsta viðtalið, sem við birtum kemur í formi "Starfamínútu". Viðmælandi okkar er Wendill Galan Viejo, en hann er hjúkrunarfræðingur á gjörgæsludeild Landspítala í Fossvogi.

Í tilefni af 100 ára afmæli Félags íslenskra hjúkrunarfræðinga fórum við vítt og breitt um Landspítala og tókum nokkra hjúkrunarfræðinga tali. Viðtölin eru sýnd á sögusýningunni "Hjúkrun í 100 ár" á Árbæjarsafni og sömuleiðis hérna á samfélagsmiðlum Landspítala.

Í tilefni af 100 ára afmæli Félags íslenskra hjúkrunarfræðinga fórum við vítt og breitt um Landspítala og ræddum við hjúkrunarfræðinga um störf þeirra. Viðtölin eru sýnd sem svokallaðar "Starfamínútur" á sögusýningunni "Hjúkrun í 100 ár" á Árbæjarsafni og sömuleiðis hérna á samfélagsmiðlum Landspítala.

Í tilefni af 100 ára afmæli Félags íslenskra hjúkrunarfræðinga fórum við vítt og breitt um Landspítala og ræddum við hjúkrunarfræðinga um störf þeirra. Viðtölin eru sýnd sem svokallaðar "Starfamínútur" á sögusýningunni "Hjúkrun í 100 ár" á Árbæjarsafni og sömuleiðis hérna á samfélagsmiðlum Landspítala.

Í tilefni af 100 ára afmæli Félags íslenskra hjúkrunarfræðinga fórum við vítt og breitt um Landspítala og ræddum við hjúkrunarfræðinga um störf þeirra. Viðtölin eru sýnd á sögusýningunni "Hjúkrun í 100 ár" á Árbæjarsafni og sömuleiðis hérna á samfélagsmiðlum Landspítala.