Almennar reglur um aðgengi á Landspítala
í gildi frá 25. maí 2021
Umferð um húsnæði Landspítala er háð ákveðnum takmörkunum.
- Heimsóknargestir eiga að bera grímu innan Landspítala.
- Starfsmenn skulu bera grímu í öllum samskiptum við inniliggjandi sjúklinga, sjúklinga á dag- og göngudeildum og rannsóknardeildum.
- Sjúklingar og fylgdarmenn þeirra sem koma inn til skoðunar/rannsókna eiga að bera grímu innan spítala.
Deildir eru aðgangsstýrðar og þær almennt opnar á heimsóknartíma, á tímabilinu kl. 16:30-19:30 virka daga en kl. 14:30-19:30 um helgar og á almennum frídögum. Aðstandendum er frjálst (einn gestur per sjúkling og eftir atvikum einn fylgdarmaður) að fara inn með grímu og hreinar hendur. Tímasetningar heimsóknartíma geta verið mismunandi milli deilda, mikilvægt er að kynna sér reglur viðkomandi deildar. Starfsfólki er heimilt að vísa fólki frá ef fleiri en einn (ásamt fylgdarmanni þar sem það á við) gestur mætir í heimsókn.
Allir inngangar eru læstir nema þar sem sjúklingar og heimsóknargestir eiga erindi en þeir inngangar verða aðeins opnir á ákveðnum tímum. Starfsfólki er bent á að nýta sér aðra aðgangsstýrða innganga en þá sem sjúklingar nota þar sem því verður við komið. Á þetta sérstaklega við fyrst á morgnana og síðdegis þegar flestir starfsmenn eru að koma til og fara úr vinnu.