Leit
Loka

Hagnýtar upplýsingar

Sýna allt
  • Barkabólga er oftast orsökuð af kvefveirum sem kallast parainfluensa.
  • Sýkingin byrjar í efri öndunarvegi og dreifist niður í barkann (ólíkt kvefi, sem helst í efri hluta öndunarvegs).
  • Geltandi hósti, oft líkt við hljóðin sem koma frá sel
  • Hás rödd eða hæsi
  • Hávær innöndun, einskonar soghljóð

Hjá flestum börnum eru einkenni verri að nóttu til. Oft dregur úr einkennum á morgnana en þau geta svo versnað þegar líður á daginn.

Yfirleitt eru börnin hitalaus eða með lágan hita í byrjun sýkingar.

Bráðaeinkenni eru oft meiri hjá yngri börnum þar sem þau hafa tiltölulega þrengri barka heldur en stærri börn.

Börnin vakna gjarnan með sáran geltandi hósta og geta jafnvel átt í erfiðleikum með öndun. Þetta gerist oft um 1 – 2 klst eftir að þau eru sofnuð. Þau eru þá oftast með hæsi og háværa innöndun, einskonar soghljóð. Oft fylgir þessu vanlíðan og hræðsla hjá barninu vegna öndunarerfiðleikanna og foreldrum er stundum verulega brugðið.

Ofangreind einkenni standa yfirleitt yfir í einn eða tvo sólarhringa, en sýkingin gengur oftast yfir á 3 – 5 dögum og eru þá kvefeinkenni algeng.

  • Sum börn fá eingöngu krúppeinkenni og lagast innan sólarhrings
  • Einkenni endurtaka sig sjaldan, en einstaka barn hefur tilhneigingu til að fá barkabólgu endurtekið, en þó sjaldan eftir 5 – 7 ára aldur
  • Barkabólga er oftast greind með heilsufarssögu og líkamsskoðun.
  • Ef barnið vaknar með andþyngsli er mikilvægt að róa það og sjá til þess að hátt sé undir höfði
  • Gott getur verið að taka barnið í fangið eða látið það setjast upp

Ef einkenni minnka ekki getur verið gott að láta barnið anda að sér fersku lofti, t.d. fara með það út á svalir eða opna glugga uppá gátt.

Einnig reynist stundum vel að fara með barnið inn á baðherbergi, loka að sér og láta heitt vatn renna í baðkar, þannig að barnið andi að sér gufu.

  • Ef einkennin minnka er gott að hafa hátt undir höfði þegar barnið er lagt út af.
  • Minnstu börnin má t.d. leggja í barnabílstól.
  • Ef einkenni minnka ekki fljótlega eða eftir 30-60 mínútur á að leita til eða hafa samband við lækni.

Ekki er hér um lífshættulegt ástand að ræða, en ef börnin hafa öndunarerfiðleika er hægt að gefa þeim lyf (innúðunarlyf eða steratöflur) sem minnka einkennin.

  • Skapað rólegt umhverfi
  • Séð til þess að barnið liggi með hátt undir höfði eða setjist upp
  • Séð til þess að barnið andi að sér fersku og röku lofti með því að opna glugga eða fara með barn út eða mynda gufu inná baðherbergi með rennandi heitu vatni
  • Bráðaeinkenni minnka ekki fljótlega eða 30-60 mínútum eftir upphaf bráðaeinkenna.
Var efnið hjálplegt?
Takk fyrir
Af hverju ekki?