Leit
Loka

Brjóstamiðstöð

Hafðu samband

OPIÐ08:00-16:00

Brjóstamiðstöð - mynd

Hér erum við

Landspítali Hringbraut - Á almennri göngudeild 10E er gengið inn um K-byggingu / Á dag- og göngudeild blóð- og krabbameinslækninga 11B er gengið inn um aðalinnganginn.

Sjá staðsetningu á korti

Staðsetning: Landspítali – Brjóstamiðstöð – Skimun og greining verður staðsett í húsnæði Krabbameinsfélagsins í Skógarhlíð 8 til 1. apríl 2021. Eftir páska flytst starfsemin í nýuppgert húsnæði Landspítala Eiríksgötu 5

Þjónustutími: Opið fyrir brjóstaskimanir mánudaga til fimmtudaga kl. 8:00-16:00

Verðskrá: Verð fyrir brjóstaskimun er 4.948.- og 2.526.- fyrir aldraða og öryrkja. Brjóstaskimanir eru nú hluti af greiðsluþátttökukerfi Sjúkratrygginga Íslands.

Boðanir og niðurstöður: Samhæfingarstöð krabbameinsskimana (SKS) sem er rekin af Heilsugæslu höfuðborgarsvæðisins heldur utan um boðanir og bókanir í brjóstaskimanir og sendir einnig rafræn svarbréf þegar niðurstöður liggja fyrir. Tímapantanir eru í síma 513 6700 milli kl. 8:30 og 12:00 alla virka daga.

Brjóstaskimanir

Brjóstakrabbamein er algengasta krabbamein hjá konum hér á landi og að meðaltali greinast 210 konur árlega og er meðalaldur þeirra 62 ár. Skimun fyrir brjóstakrabbameini er árangursrík leið til að lækka dánartíðni sjúkdómsins en lýðgrunduð skimun fyrir brjóstakrabbameini hófst á Íslandi árið 1987. Skimun leiðir ekki til lækkunar á tíðni sjúkdómsins, en með því að greina hann snemma aukast líkur á því að sjúkdómurinn sé staðbundinn og hafi ekki náð að dreifa sér.

Almenn brjóstaskimun er fyrir konur sem ekki eru með einkenni frá brjóstum. Finnist fyrir einkennum frá brjóstum t.d. hnút eða fyrirferð í brjósti, inndreginni húð eða geirvörtu, blóðugri eða glærri útferð úr geirvörtu, verkjum eða eymslum í brjóstum, er ráðlagt að leita til læknis sem þá sendir tilvísun í frekari skoðun.

  • Skimunaraldur:
            Aldurshópurinn 40-69 ára fær boð í skimun á 2 ára fresti
            Aldurshópurinn 70-74 ára fær boð í skimun á 3 ára fresti
  • Konur í aukinni áhættu á brjóstakrabbameini: Konur með stökkbreytingu á BRCA1 og BRCA2 genum eru í aukinni hættu á að fá brjóstakrabbamein. Þær eru ekki í almennri skimun heldur fara í frekari skoðun og þéttara eftirlit hjá krabbameinslæknum Landspítala. Konur með sterka ættarsögu um krabbamein í brjóstum (móðir, systir, dóttir) eða aukinn þéttleika brjósta eru í almennri skimun, nema læknir ákveði annað.
  • Konur sem hafa farið í fyrirbyggjandi brjóstnám á báðum brjóstum: Ekki er þörf á skimun þar sem búið er að fjarlægja allan brjóstvef.
  • Konur sem fengið hafa brjóstakrabbamein: Eru undir eftirliti krabbameinslæknis í fimm ár eftir meðferð skv. verklagi Landspítala en geta farið aftur í almenna skimun eftir það. Þær konur sem ekki hafa náð skimunaraldri fimm árum eftir krabbameinsmeðferð eru áfram í árlegu eftirliti hjá krabbameinslækni, þar til þær hafa náð skimunaraldri. Konur sem hafa fengið brjóstakrabbamein fá boð um skimun til 79 ára aldurs.
  • Konur með púða í brjóstum: Geta farið í almenna skimun. Upplýsingar um leka brjóstapúða munu birtast á heilsuvera.is

Frekari upplýsingar um brjóstaskimanir: Brjóstakrabbameinsleit - Krabbameinsfélagið

 

  • Myndgreining og sérskoðun brjósta er í húsi Krabbameinsfélagsins í Skógarhlíð 8. Þangað þarf tilvísun læknis.
  • Brjóstamóttaka skurðlækninga er á göngudeild 10E við Hringbraut og er fyrir fólk í aðgerðarferli Sjá hér
  • Dag- og göngudeild blóð- og krabbameinslækninga 11B við Hringbraut er fyrir fólk í lyfjameðferð Sjá hér 

 

Fleygskurður og brjóstnám

Var efnið hjálplegt?
Takk fyrir
Af hverju ekki?