Leit
Loka
Sýna allt

Samkvæmt reglugerð nr. 467/2015 um menntun, réttindi og skyldur lækna og skilyrði til að hljóta almennt lækningaleyfi og sérfræðileyfi skipaði heilbrigðis- og velferðarráðherra þrjá sérfræðilækna í mats- og hæfisnefnd (e. Evaluation and Accreditation Committee) um starfsnám til að öðlast almennt lækningaleyfi og um sérnám í læknisfræði. Nefndin skal kalla til sérfræðinga innan sérsviða læknisfræði til álitsgjafa, eftir þörfum.

Nefndin metur og staðfestir marklýsingar fyrir starfsnám til starfsleyfis skv. 4. gr. og samþykkir marklýsingu einstakra sérnámsbrauta fyrir formlegt sérnám skv. 7. og 8. gr., sbr. 10. gr. Nefndin metur jafnframt hæfi heilbrigðisstofnunar eða deildar heilbrigðisstofnunar til að öðlast viðurkenningu sem kennslustofnun fyrir starfsnám til lækningaleyfis skv. 4. gr. og til að annast sérnám skv. 7. og 8. gr.

Nefndin setur sér starfsreglur sem staðfestar eru af heilbrigðisráðherra. Í þeim er meðal annars kveðið á um þau viðmið sem nefndin skal hafa til hliðsjónar við mat á marklýsingum og stofnunum, og hvernig samráði skuli háttað við stofnanir sem metnar eru hverju sinni.


  • Reynir Tómas Geirsson, tiln. af Læknadeild Háskóla Íslands, formaður
  • Björn Geir Leifsson, tiln. af Embætti landlæknis
  • Elínborg Bárðardóttir, tiln. af Læknafélagið Íslands

  • Hrönn Harðardóttir, tiln. af Læknadeild Háskóla Íslands
  • Anna Björg Aradóttir, tiln. af Embætti landlæknis
  • Jón Steinar Jónsson, tiln. af Læknafélagi Íslands

Svafa K. Pétursdóttir, verkefnastjóri
Menntadeild Landspítala, Ármúla 1a, 108 Reykjavík.

Starfsreglur mats- og hæfnisnefndar er að finna á vef heilbrigðisráðherra sjá hér >>

Nefndin er skipuð af heilbrigðisráðherra frá 17. ágúst 2015 til 16. ágúst 2019.

Var efnið hjálplegt?
Takk fyrir
Af hverju ekki?