Framhaldsnám lækna

Nám í boði

Framhaldsnám í:

Almennum lyflækningum
Bæklunarskurðlækningum
Geðlækningum
Skurðlækningum
Samþætt kjarnanám í bráðagreinum lækninga

Framhaldsnám í almennum lyflækningum

Almennar upplýsingar

Lyflækningasvið Landspítala starfrækir formlegt framhaldsnám í almennum lyflækningum, byggt á fyrirmynd Royal College of Physicians, og hefur mats- og hæfisnefnd fengið marklýsingu til samþykktar (maí 2016).

Lyflækningasvið býður þriggja ára námsstöður fyrir deildarlækna sem geta nýst þeim læknum sem hyggjast stunda frekara framhaldsnám í lyflækningum og undirgreinum eða stefna á framhaldsnám í skyldum sérgreinum, svo sem bráða-, öldrunar- og taugalækningum.

Lögð er áhersla á að veita þjálfun í undirstöðuþáttum almennra lyflækninga og nálgun klínískra vandamála með því að byggja upp færni, trausta dómgreind og fagmennsku.

Boðið er upp á fjölbreytta kennsludagskrá en jafnframt lögð áhersla á að deildarlæknar temji sér sjálfstæða þekkingaröflun.

Deildarlæknum er falin stigvaxandi ábyrgð með hliðsjón af færni þeirra og reynslu og gegna þeir veigamiklu hlutverki hvað varðar móttöku sjúklinga, umönnun á legudeildum, ráðgefandi þjónustu, sértækar rannsóknir og göngudeildarstarfsemi.

Deildarlæknar fá innsýn í flestar sérgreinar lyflækninga og störf á bráðamóttöku, taka þátt í kennslu læknanema og kandídata og stunda vísindastörf í samvinnu við sérfræðinga.

Deildarlæknar taka MRCP próf og hljóta markvissan undirbúning fyrir það.

Um framhaldsnámið

Fræðsla og skipulag

Þriðjudagsfundir 2017-2018 7.09.2017
Fimmtudagsfræðslufundir 2017-2018 2018
Þverfagleg hermikennsla 2017 - 2018 05.03.2018
Rannsóknarráðstefna - Dagskrá rannsóknarráðstefnu 2018

Fyrir umsækjendur

Síðasta auglýsingin
Örstutt lýsing á prógramminu: sjá "Almennar upplýsingar" hér ofan
Sérnám í lyflækningum á Íslandi tekur á sig nýja mynd. Læknablaðið 2015;101

Fyrir námslækna

Stjórnskipulag

Nýjir námslæknar

Fyrirlestrar frá kynningu fyrir nýja námslækna í september 2017:

Framhaldsnám í bæklunarskurðlækningum

Sýna allt

Um framhaldsnámið

Marklýsing
Ákvörðunartól og reglugerð
Sérnámssamningur LSH
Sérnámssamningur Orkuhúsið

Fræðsla og skipulag

Kennsla deildarlækna bæklunarskurðdeild LSH 2017-2018
Skipulag sérnáms í bæklunarskurðlækningum

Fyrir námslækna

JRCPTB minnispunktar fyrir árlegt stöðumat

Matsblöð

Stjórnskipulag

Handleiðarar sérnámslækna
Starfslýsing sérnámshandleiðara
Starfslýsing klínískra handleiðara

Framhaldsnám í geðlækningum

Sýna allt

Almennar upplýsingar

Kennslustjóri sérnáms í geðlækningum: Nanna Briem yfirlæknir

Kennsluráð sérnáms í geðlækningum:

Engilbert Sigurðsson prófessor
Ísafold Helgadóttir geðlæknir
Guðrún Dóra Bjarnadóttir geðlæknir,
Ásta Bragadóttir námslæknir
Nanna Briem yfirlæknir og kennslustjóri

Geðsvið Landspítala býður upp á skipulagt sérnám í geðlækningum. Námið hefur hlotið opinbera viðurkenningu.

Nám til sérfræðiréttinda í geðlækningum tekur að lágmarki 5 ár. Sérnámslæknar geta valið að taka allt sérnámið hér á landi á geðsviði Landspítala en eru hvattir til að afla sér reynslu og þekkingar erlendis hluta námstímans.

Um er að ræða 5 ára nám á geðsviði Landspítala í auglýstum námsstöðum. Sérnámið byggir á reglubundinni viðveru og klínískri vinnu á starfsstöðvum geðsviðs, þátttöku í fundum, teymisvinnu, námsskeiðum og annari hliðstæðri starfsemi á sviðinu og í tengslum við sérnámið, á þátttöku í vöktum námslækna og skipulagðri menntun samkvæmt námsáætlun. Gert er ráð fyrir sjálfsnámi utan dagvinnutíma. Framganga í sérnáminu er metin að lágmarki árlega á skipulögðum matsfundi með handleiðara, kennslustjóra og prófessor í geðlækningum þar sem skráning á klínískri færni í loggbók, niðurstöður prófa og frammistöðumat eru meðal þeirra þátta sem lagðir eru til grundvallar.

Á námstímanum starfar námslæknir á mismunandi starfsstöðvum. Æskilegt er að þar af séu a.m.k. 12-18 mánuðir móttökugeðdeildastarf, gjarnan á tveimur tímabilum með mismikilli ábyrgð í samræmi við framgang í sérnáminu, 6-12 mánuðir í göngudeild og á bráðamóttöku, 4 mánuðir á bráðageðdeild, 4 mánuðir á fíknigeðdeild og 6-12 mánuðir á endurhæfingargeðdeildum, í samfélagsteymi eða í teymi fyrir snemmíhlutun í geðrofssjúkdóma.

Gert er ráð fyrir að á fyrstu 2 árum sérnámsins kynnist námslæknir grunnatriðum geðlæknisfræðinnar m.t.t. sjúkdóma og sjúkdómaflokka, eðlis þeirra og orsaka, greiningar, meðferðar, úrræða, siðfræði og fagmennsku í námi og starfi. Á þessum tíma vinnur sérnámslæknirinn í nánu samstarfi við klíníska handleiðara sína og aðra sérfræðinga.

Á næstu 2 árum eykst ábyrgð á meðferð og eftirfylgd sjúklinga jafnt og þétt eftir því sem reynsla og hæfni námslæknis eykst, samhliða því sem leitast er við að verða við óskum námslækna um aukna sérhæfingu með hliðsjón af áhugasviði. Á þessum tveimur árum eru námslæknar sérstaklega hvattir til þátttöku í rannsóknavinnu.

Á fimmta og síðasta árinu í sérnáminu starfar sérnámslæknir að miklu leyti sjálfstætt, þótt hann njóti áfram handleiðslu. Leiðir þá gjarnan eigið teymi á deild í samvinnu við viðkomandi yfirlækni og tekur þátt í kennslu yngri námslækna og læknanema.

Varðandi opinbera viðurkenningu: Um er að ræða 5 ára nám til sérfræðiréttinda í geðlækningum, viðurkennt sumarið 2017 af Mats- og hæfisnefnd. Samkvæmt reglugerð nr. 467/2015 um menntun, réttindi og skyldur lækna og skilyrði til að hljóta almennt lækningaleyfi og sérfræðileyfi, sér nefndin um að viðurkenna marklýsingar og námsstaði.

Um framhaldsnámið

Geðsvið Landspítala býður upp á skipulagt sérnám í geðlækningum. Námið hefur hlotið opinbera viðurkenningu.

Nám til sérfræðiréttinda í geðlækningum tekur að lágmarki 5 ár.

Marklýsing sérnmáms í geðlækningum

REGLUGERÐ - um menntun, réttindi og skyldur lækna og skilyrði til að hljóta almennt lækningaleyfi og sérfræðileyfi.