Landspítali Háskólasjúkrahús

Vísindastarfsemi á LSH (yfirlitsskýrslur)

Eitt af hlutverkum Landspítala sem háskólasjúkrahúss er að vera virkur í þekkingarleit og nýrri þekkingarsköpun í heilbrigðisvísindum. Starfsmenn spítalans stunda margvísleg vísindastörf sem standast fyllilega alþjóðlegan samanburð hvort sem varðar fjölda birtra vísindagreina í alþjóðlegum fagtímaritum eða tilvitnanir annarra vísindamanna í þær.

Starfsmenn LSH standa því vel að vígi þegar kemur að því að sækja um vísindastyrki m.a. frá erlendum samkeppnissjóðum en slíkir styrkir eru gjarnan mælikvarði á stöðu fræðigreina á alþjóðavettvangi. Þekkingarleit og þróun nýrrar tækni eru forsendur gæða og framfara og undirstaða þess að spítalinn geti veitt þjónustu í hæsta gæðaflokki.

Landspítali hefur sett sér háleita vísindastefnu. Stefnt er að því Landspítalinn verði árið 2012 eitt af fimm bestu háskólasjúkrahúsum á Norðurlöndum hvað varðar árangur og afköst í vísindarannsóknum. Spítalinn hefur sýnt að við réttar aðstæður hefur hann yfir að búa mannauði sem getur án nokkurs vafa náð slíkum markmiðum.

Landspítali er háskólasjúkrahús og gegnir sem slíkt veigamiklu hluverki í því að afla nýrrar þekkingar í heilbrigðisvísindum. Fjöldi fólks stundar þar fjölbreytt vísindastörf og margt að því nýtur alþjóðlegrar viðurkenningar sem sést meðal annars á því hversu oft er vitnað til greina eftir þá í alþjóðlegum fagtímaritum.  Þekkingarleit og þróun tækni eru forsendur framfara og þess að spítalinn geti veitt þjónustu í hæsta gæðaflokki.  

Vísindastefna spítalans setur vísindamönnum háleit markmið til þess að vinna eftir. Samkvæmt henni er stefnt að því að Landspítali verði árið 2012 eitt af fimm bestu háskólasjúkrahúsum á Norðurlöndum hvað varðar árangur og afköst í vísindarannsóknum.

Eyðublöð vegna vísindarannsókna á Landspítala:

Siðanefnd LSH
Siðanefnd stjórnsýslurannsókna á LSH
Leyfi framkvæmdastjóra lækninga