Upplýsingar

Dagsetning
2017.02.24

Gjörgæslukerfið í notkun

Landspítali er að taka í notkun nýtt kerfi sem safnar sjálfvirkt gögnum úr ýmsum tækjum tengdum sjúklingum. Samið var um kaup á nýju tölvukerfi fyrir gjörgæslu, svæfingu og vökudeild á Landspítala. Samningur þess efnis var undirritaður 11. ágúst 2016 í kjölfar útboðs á Evrópska efnahagssvæðinu. Fyrir valinu varð gjörgæslukerfið CIS frá danska fyrirtækinu Daintel. Tölvukerfið nýja mun gjörbylta allri skráningu á viðkomandi deildum. Með CIS er stigið stórt skref að því takmarki að hætta handvirkri skráningu á pappír á deildum á Landspítala. Kerfið tengist nánast öllum þeim lækningatækjum sem notuð eru á þessum deildum og safnar upplýsingum úr þeim sjálfkrafa. Með nýja kerfinu verður úrvinnsla gagna um meðferð sjúklinga öll mun auðveldari. Keyptur var mjög öflugur vélbúnaður sem er nauðsynlegur fyrir kerfi sem safnar svo miklu af gögnum. Vinnustöð við hvert sjúkrarúm sem birtir allar upplýsingar um viðkomandi sjúkling. Umtalsverð vinna starfsmanna Landspítala liggur að baki þessum áfanga og hefur stór hópur komið að henni. Kerfið eykur öryggi sjúklinga og auðveldara verður að bera saman gjörgæslumeðferð við önnur lönd.

Viðmælendur. Alma D. Möller framkvæmdastjóri aðgerðarsviðs Kristinn Sigvaldason yfirlæknir gjörgæslu LSH í Fossvogi Katrín Þormar starfandi yfirlæknir gjörgæslu- og svæfingalækninga LSH í Fossvogi Árni Már Haraldsson deildarstjóri gjörgæslu LSH á Hringbraut