starfsmannamyndir.png (545843 bytes)

Hjúkrunarfræðingar óskast á kviðarhols- og þvagfæraskurðdeild 13EG Landspítala

Viljum ráða áhugasama og jákvæða hjúkrunarfræðinga til starfa á kviðarhols- og þvagfæraskurðdeild 13EG. Í boði er áhugavert starf með góðu samstarfsfólki. Starfsmenn og stjórnendur vinna nú að endurhönnun deildarinnar sem byggir á þverfaglegri teymisvinnu og endurskoðun á ýmsu verklagi. Miklir möguleikar eru á þróun í starfi, bæði klínískt og í formi fræðslu og námskeiða.

Deildin þjónar einstaklingum sem glíma við sjúkdóma í efri og neðri hluta meltingarvegar og í þvagfærum. Starfshlutfall er samkomulagsatriði en að auki er verið að endurskoða vakta- og vinnufyrirkomulag á deildinni, innleiða viðbragðsvakt. Starfsþróunarár Landspítala er í boði fyrir nýlega útskrifaða hjúkrunarfræðinga samhliða starfi.

Helstu verkefni og ábyrgð

» Virkur þátttakandi í þróun og uppbyggingu deildarinnar
» Ákveða, skipuleggja og veita hjúkrunarmeðferð
» Skipuleggja og veita fræðslu til sjúklinga og aðstandenda
» Þátttaka í þverfaglegri teymisvinnu


Hæfnikröfur

» Faglegur metnaður og frumkvæði
» Jákvætt viðhorf og góðir samskiptahæfileikar
» Áhugi á að starfa í krefjandi og skemmtilegu umhverfi
» Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Æskilegt að umsækjendur geti hafið störf sem fyrst. Um er að ræða 3 stöðugildi.
Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu í starfið byggist á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 29.01.2018

Nánari upplýsingar veitir

Erla Dögg Ragnarsdóttir, erladogg@landspitali.is, 824 5875

LSH Kviðarhols- og þvagfæraskurðdeild
Hringbraut
101 Reykjavík

Til baka í störf