starfsmannamyndir.png (545843 bytes)

Lífeindafræðingur á hjartarannsóknarstofu

Við hjartaómun á lyflækningasviði Landspítala er laust til umsóknar starf lífeindafræðings frá 1. mars 2018 eða eftir samkomulagi. Vinnutími er frá kl. 8-16 og mögulegt er að vinna að mastersverkefni samhliða starfi. Reynsla af hjartaómun er æskileg en vel kemur til greina að þjálfa lífeindafræðing sem áhuga hefur á verkefninu.

Á hjartarannsóknarstofu starfa um 20 manns í öflugu þverfaglegu teymi og í nánu samstarfi við hjartasérfræðinga. Þar eru m.a. gerð áreynslupróf, Holterrannsóknir, ómskoðanir á hjarta og gangráðseftirlit.

Helstu verkefni og ábyrgð

» Ómanir af hjarta og varðveisla gagna þar að lútandi
» Úrvinnsla og túlkun niðurstaðna í samvinnu við hjartalækna
» Þátttaka í öðrum verkefnum á hjartarannsókn eftir nánari ákvörðun stjórnanda

Hæfnikröfur

» Sjálfstæð og skipulögð vinnubrögð
» Jákvætt viðmót og hæfni í mannlegum samskiptum
» Þekking og reynsla af hjartaómun æskileg
» Góð íslenskukunnátta skilyrði
» Íslenskt starfsleyfi lífeindafræðings

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt starfsleyfi.

Landspítali er lifandi og fjölmennur vinnustaður með um 5.100 starfsmenn. Hann er aðalsjúkrahús landsins og miðstöð menntunar og rannsókna í heilbrigðisvísindum. Á Landspítala er lögð áhersla á öryggi, jafnrétti, ábyrgan rekstur, góðan starfsanda og bættan húsakost.

Starfshlutfall er 100%
Umsóknarfrestur er til og með 29.01.2018

Nánari upplýsingar veitir

Davíð Ottó Arnar, davidar@landspitali.is, 543 1000

Jóhanna S Gunnlaugsdóttir, johsgunn@landspitali.is, 543 6158

LSH Hjartarannsóknarstofa
Hringbraut
101 Reykjavík

Til baka í störf