Frétt

22. 07 2017

Hringurinn gaf bráðamóttöku í Fossvogi ómtæki fyrir börn

Kvenfélagið Hringurinn gaf bráðamóttöku Landspítala í Fossvogi ómtæki til að skoða börn - júlí 2017
Kvenfélagið Hringurinn hefur fært bráðamóttökunni á Landspítala Fossvogi að gjöf ómtæki til skoðunar á börnum. Það er eitt af þremur ómtækjum sem Hringurinn færir Landspítala þetta árið. Tækið var formlega afhent 20. júlí 2017 og er þegar komið í notkun. 

Þetta ómtæki er eitt það fullkomnasta sem völ er á til að skoða og meta mögulega innvortis áverka hjá börnum sem orðið hafa fyrir slysum. Ekki eru alltaf sýnilegir áverkar í byrjun og því getur skipt sköpum að greina sem allra fyrst lífsógnandi leynda áverka og geta strax hafið viðeigandi meðferð og eftirlit.

Árlega leita um 13.000 börn á bráðamóttökuna í Fossvogi með áverka eftir slys.  Af þeim eru um 9.000 fjórtán ára og yngri og þar af eru 80-100 með alvarlega áverka sem þarfnast stærri inngripa eða rannsókna.  Því er afar mikilvægt að rétt tæki og tól séu til staðar á bráðamóttöku til að flýta greiningu á alvarlegum áverkum hjá börnum.  Stjórnendur bráðamóttökunnar erum því afar þakklátir Hringskonum fyrir þessa höfðinglegu gjöf.

 

Kvenfélagið Hringurinn gaf bráðamóttöku Landspítala í Fossvogi ómtæki til að skoða börn - Sonja Egilsdóttir, formaður Hringsins, merkir tækið gefandanum - júlí 2017
Kvenfélagið Hringurinn gaf bráðamóttöku Landspítala í Fossvogi ómtæki til að skoða börn - Jón Magnús Kristjánsson yfirlæknir sýnir fulltrúum gefenda hvernig tækið virkar. Þórdís Blöndahl Jónsdóttir lék sjúklinginn - júlí 2017
 


 

Til baka