Frétt

01. 07 2017

Ingibjörg Guðmundsdóttir ráðin deildarstjóri háls-, nef- , lýta-, og æðaskurðdeildar

Ingibjörg Guðmundsdóttir
Ingibjörg Guðmundsdóttir hefur verið ráðin deildarstjóri háls-, nef- , lýta-, og æðaskurðdeildar A4 Landspítala frá 1. júlí 2017 til næstu fimm ára. 

Ingibjörg lauk BS prófi í hjúkrunarfræði frá Háskóla Íslands árið 2000 og meistaranámi í hjúkrun frá HÍ 2011. Hún fékk sérfræðingsréttindi í hjúkrun aðgerðarsjúklinga árið 2017. 

Ingibjörg hefur starfað á skurðdeildum Landspítala nær óslitið frá 2000 og hefur verið aðstoðardeildarstjóri á A4 frá árinu 2012. 
Hún hefur verið stundakennari við hjúkrunarfræðideild Háskóla Íslands frá 2009. 

Helstu áherslur Ingibjargar í hjúkrun hafa verið sár og sárameðferð en einnig innleiðing og þróun á rafrænni sjúkraskrá og hefur hún haldið fjölda námskeiða og erindi um þessi málefni. 

Ingibjörg er fulltrúi Íslands í kennararáði evrópsku sárasamtakanna EWMA og situr í stjórn SUMS (samtök um sárameðferð).

Til baka