Leit
Loka

Iðjuþjálfun

Iðjuþjálfar á Landspítala sinna öllum deildum eftir þörfum og þjónusta einstaklinga sem þurfa aðstoð við að bæta færni sem skerðist við slys eða veikindi. Færnisskerðing getur tengst því að sinna daglegum viðfangsefnum, eigin umsjá, að sinna heimili, að sinna fjölskyldu og vinum, tómstundaiðju, námi og/eða vinnu. Iðjuþjáfi metur í samvinnu við einstaklinginn, og jafnvel nánustu aðstandendur, hvaða skyldur eru honum mikilvægar og hvað hann langar til að geta gert. Út frá því mati er veitt fræðsla, ráðgjöf og/eða þjálfun, eftir þörfum hverju sinni.

Banner mynd fyrir  Iðjuþjálfun

Hagnýtar upplýsingar

Yfiriðjuþjálfi er Sigrún Garðarsdóttir
Netfang: sigrgard@landspitali.is
Sími: 543 9108 og 825 5072

 

Iðjuþjálfun BUGL

Starfsemi í iðjuþjálfun er frá kl. 8:00 til 16:00 alla virka daga.
Símanúmer skiptiborðs: 543 4300 
 
Deildarstjóri faghópa: Guðlaug María Júlíusdóttir, gudljul@landspitali.is 
BUGL er að Dalbraut 12, Reykjavík

Á barna- og unglingageðdeild Landspítala, BUGL, er tekið á móti börnum og unglingum upp að 18 ára aldri vegna geð- og þroskaraskana. Þar er veitt sérhæfð þjónusta sem miðar að þörfum barna og fjölskyldna þeirra.

Samvinna er við þá sem sinna frumgreiningu, svo sem heilsugæslu og félagsþjónustu auk annarra fagaðila sem sinna barni og fjölskyldu í nærumhverfi.
Á BUGL vinna iðjuþjálfar í þverfaglegum teymum á göngu- og legudeild.

Líkanið um iðju mannsins liggur til grundvallar þjónustu iðjuþjálfa á BUGL. Lykilþættir í samspili barns og umhverfis endurspeglast í ákveðnum lykilþáttum sem eru vilji, vanamynstur, framkvæmdageta, færni við iðju og aðlögun sem iðjuvera.

Þá er einnig stuðst við kenningar um skynúrvinnslu en þær fjalla meðal annars um um túlkun og úrvinnslu einstaklinga á hinum ýmsu áreitum og hvernig slíkt getur haft áhrif á þroska og lærdómsgetu þeirra.

Kenningar um skynúrvinnslu geta veitt góða innsýn í hvernig hægt ersé að skilja og komast til móts við þarfir barna með ódæmigerða skynúrvinnslu, en stór hluti skjólstæðinga á BUGL skynja umhverfið á annan hátt en flestir.

Iðjuþjálfar meta og veita íhlutun eða ráðgjöf hjá sjúklingum sem eiga erfitt með eigin umsjá, sinna daglegum skyldum, stunda skólann, sinna áhugamálum og/eða félagsleg samskipti.

Hér er átt við þátttöku barnsins og færni við að inna af hendi dagleg viðfangsefni á:

  • heimili
  • í skóla
  • við leik og tómstundaiðju

Ýmsir umhverfisþættir eru athugaðir og metið hvort þeir ýti undir eða torveldi þátttöku og virkni. Til þess að afla upplýsinga um ofangreinda þætti eru notuð ýmis matstæki.

Íhlutun

Iðjuþjálfi metur í samvinnu við skjólstæðinga sína og/eða umönnunaraðila á hvaða formi íhlutun fer fram. Kröfur eru aðlagaðar að getu hvers og eins og getur íhlutun farið fram með einstaklingi, fjölskyldu, skóla og/eða í hóp. Helstu markmið með íhlutun eru að styrkja skjólstæðinginn við að sinna daglegri iðju, að sinna skyldum sínum og það sem hann langar að gera.

Sé vísbending um þörf fyrir iðjuþjálfun þá tekur iðjuþjálfi „fyrsta viðtal“ við barn og foreldra og ákvarðar í framhaldi þörf fyrir þjónustu.

Göngudeild

Á göngudeild berst iðjuþjálfa tilvísun frá öðrum fagaðilum innan síns teymis. Við skimun á þörf fyrir iðjuþjálfun styðst iðjuþjálfi við upplýsingar frá foreldrum og öðrum fagaðilum.

Legudeild

Á legudeild sinnir iðjuþjálfi þeim börnum sem hann og teymi deildar metur að þurfi á íhlutun iðjuþjálfa að halda. Iðjuþjálfi metur stöðu barnsins og gerir út frá því meðferðaráætlun í samvinnu við barn og foreldra. Sú íhlutun getur falið í sér marga þætti en jafnframt sinnir iðjuþjálfi á deild deildarmeðferð í samvinnu við annað starfsfólk deildarinnar.

Iðjuþjálfun Landakoti

Staðsetning: Landakot, Túngötu 26, 101 Reykjavík 

Símanúmer deildar: 543 9834/543 9838 

Yfiriðjuþjálfi:Svanborg Guðmundsdóttir
Netfang: svanborg@landspítali.is
Símanúmer: 543 9841/824 8717

Á Landakot koma aldraðir frá öðrum deildum Landspítala eða úr heimahúsi. Þar fer fram greining og mat á heilsufari og endurhæfing.

Iðjuþjálfar eru hluti af þverfaglegu teymi á öllum deildum Landakots.

Iðjuþjálfunin er staðsett á þriðju hæð í K-álmu og samanstendur aðstaðan meðal annars af:

  • vinnustofu
  • þjálfunarsal
  • tölvuherbergi
  • betri stofu 
  • þjálfunareldhúsi

Þjónustuferlið sem unnið er eftir kallast OTIPM (Occupational Therapy Intervention Process Model).

Hugmyndafræðin kemur úr ýmsum áttum og tekur mið af ólíkum skjólstæðingshópum og aðstæðum hverju sinni.

Sem dæmi má nefna A-ONE, kanadíska færnilíkanið (CMOP-E), líkanið um iðju mannsins (MOHO), lífaflfræðilíkanið, endurhæfingarlíkanið, valdeflingu (empowerment) og öldrunarkenningar.

Mats- og markmiðslota

Iðjuþjálfar á Landakoti hafa sérþekkingu á daglegri iðju aldraðra.

Með daglegri iðju er átt við athafnir eins og klæðnað, snyrtingu, borðhald, akstur og tómstundir.

Iðjuþjálfar veita skjólstæðingsmiðaða þjónustu, vinna lausnamiðað og leggja áherslu á styrkleika skjólstæðinga sinna.  

Mat

Stór þáttur í starfi iðjuþjálfa á Landakoti felst í að meta líkamlega og vitræna getu skjólstæðinga sem hafa áhrif á færni daglegs lífs. Til þess styðjast iðjuþjálfar við ýmis matstæki til að greina verk og framkvæmdargetu, beita bæði áhorfi og taka viðtöl.
Farið er yfir viðfangsefni sem skjólstæðingurinn fæst við í sínu daglega lífi, bæði þau sem ganga vel og þau sem hann á erfitt með að sinna.
Íhlutunaráætlun er gerð í samráði við skjólstæðing í framhaldinu.

Iðjuþjálfar meta þörf fyrir hjálpartæki og meta auk þess hvort þörf sé á heimilisathugun.
Mikilvægt getur verið að fara heim til skjólstæðinga til að meta færni þeirra í eigin umhverfi. Mat á færni við akstur er framkvæmt í samstarfi við ökukennara þegar það á við.

Sjúkdómar og slys geta haft áhrif á líkamlega og vitræna færniþætti sem nauðsynlegir eru við akstur. Ákveðnum verklagsreglum er fylgt til þess að meta hvort og þá hvenær farið er í ökumat.

Helstu matstæki

Íhlutun

Íhlutun sem iðjuþjálfar á Landakoti veita er skjólstæðingsmiðuð og er endurhæfingin því afar fjölbreytt.

Samkvæmt þjónustuferli OTIPM fellur íhlutunin í flestum tilvikum undir leikninálgun og jöfnunarnálgun. Einnig kemur fyrir að aðferðir sem falla undir styrkingarnálgun og fræðslunálgun séu notaðar (sjá mynd).

Íhlutunin getur m.a. falist í að kenna nýjar leiðir við að framkvæma daglegar athafnir, færniþjálfun og aðlögun á heimili, auk þess sem iðjuþjálfar veita fræðslu og ráðgjöf til skjólstæðinga og aðstandenda þeirra. Í heimilisathugunum er t.d. veitt ráðgjöf varðandi leiðir til þess að auka öryggi og draga úr byltuhættu.

Endurhæfingin fer bæði fram sem einstaklingsþjálfun og í hópum. Áhersla er lögð á að bæta andlega líðan og félagslega hæfni með ýmis konar hópastarfi.
Útvegun, prófun og kennsla í notkun hjálpartækja er stór þáttur í starfi iðjuþjálfa á Landakoti.

Þá sjá iðjuþjálfar um spelkugerð þegar þess er þörf. Iðjuþjálfar sækja um hjálpartæki fyrir skjólstæðinga til Hjálpartækjamiðstöðvar Sjúkratrygginga Íslands (SÍ).

Endurmat

Færni skjólstæðings er endurmetin eftir að íhlutun hefur átt sér stað og íhlutunaráætlun aðlöguð eftir þörfum og vilja skjólstæðings.

Við útskrift getur verið þörf fyrir eftirfylgd iðjuþjálfa t.d. vegna hjálpartækja og áframhaldandi þjálfunar á öðrum stöðum.

Legudeildir og dagdeild: Þörf fyrir iðjuþjálfun er metin í samvinnu við skjólstæðinginn og teymismeðlimi.

Göngudeildir: Iðjuþjálfar fá senda beiðni fyrir skjólstæðinga sem hafa þörf fyrir iðjuþjálfun á minnismóttöku. Allir sem koma á byltu- og beinverndarmóttöku fá þjónustu iðjuþjálfa.

Iðjuþjálfun Grensási

 
Starfsemi í iðjuþjálfun er frá kl. 8:00 til 16:00 alla virka daga.
 
Símanúmer iðjuþjálfunar: 543 9121 

Yfiriðjuþjálfi:
Sigrún Garðarsdóttir

netfang: sigrgard@landspitali.is
sími: 543 9108 og 825 5072

Heimilisfang:
Landspítali Grensási
við Álmgerði, 108 Reykjavík

Einstaklingar sem koma í endurhæfingu á Grensási eftir slys eða veikindi eiga flestir í erfiðleikum með að takast á við sitt daglega líf. Hlutir sem áður voru einfaldir eins og að klæðast, elda mat, vinna vinnuna sína, keyra bíl og stunda áhugamál geta reynst flóknir og óyfirstíganlegir. Sérþekking iðjuþjálfa felst í því að greina styrkleika einstaklinga og hvað reynist þeim erfitt við dagleg verk, finna leiðir til að yfirstíga þessa erfiðleika og þjálfa aftur upp færni til að takast á við daglegt líf. 

Samhliða færniþjálfun til eigin umsjár, heimilisstarfa, atvinnu og tómstunda er farið í heimilis- og vinnustaðarathuganir og mat á akstursfærni þegar þörf krefur. Auk þess eru veittar ráðleggingar við val og útvegun hjálpartækja.

Iðjuþjálfun í Fossvogi og við Hringbraut er skjólstæðings- og iðjumiðuð. Iðjuþjálfar vinna fyrst og fremst eftir kanadíska færnilíkaninu (CMOP-E) þar sem unnið er að því að efla iðju og lögð er áhersla á samspil einstaklings, iðju og umhverfis. Notast er við þjónustuferlið Occupational Therapy Intervention Process Model (OTIPM). Eftir því sem við á er stuðst við aðrar kenningar og líkön t.d. kenningar um öldrun, Valdeflingu, Lífaflfræðilíkanið og A-ONE.

Mats- og markmiðslota

Iðjuþjálfar á Grensási nota þjónustuferlið OTIPM til að leiða þjónustu sína. Þjónustan flokkast í þrjá hluta þ.e. mat, íhlutun og endurmat.

Mat

Byrjað er á að koma á tengslum og skjólstæðingsmiðuðu umhverfi til að þróa gagnkvæmt traust milli þjónustuþega og iðjuþjálfa. Í því tilefni er m.a. aflað skjólstæðingsmiðaðra upplýsinga um iðju, aðstæður og forgangsröðun með aðstoð gát- og spurningalista ásamt matstækjum s.s. COPM og OSA. Í framhaldi af þessari upplýsingaöflun fer fram mat á framkvæmd við iðju til að afla upplýsinga um hvar skóinn kreppir þ.e. hver vandinn er og hvað er að valda honum en það getur verið af líkamlegum, vitrænum og/eða andlegum toga en einnig getur umhverfið í víðum skilningi verið stór áhrifavaldur. Við matið eru notuð mats- og mælitæki eins og A-ONE, AMPS, gátlisti um ökufærni og heimilisathugun, mælitæki til að mæla grip- og fingragripskraft, gróf- og fínhreyfingar svo eitthvað sé nefnt. Þegar búið er að greina iðjuvandann þá eru sett markmið í samráði við skjólstæðinginn og þau skráð niður.

Mats- og markmiðslota

Í íhlutun eru valdar ein eða fleiri leiðir af fjórum mögulegum sem byggja á faglíkönum til íhlutunar til að leysa iðjuvandann. Leiðirnar eru nefndar: Jöfnunarlíkan (compensatory model), Leiknilíkan (model of occupational skills training), Lagfæringalíkan (model for enhancement of person factors and body functions), og Fræðslulíkan (model for education and teaching), þ.e íhlutun iðjuþjálfans getur falist í færniþjálfun og/ eða að kenna viðkomandi nýjar leiðir til að framkvæma athafnir daglegs lífs (eigin umsjá, heimilisstörf, vinna, áhugamál o.fl.), að aðlaga umhverfi viðkomandi s.s. á heimili eða vinnustað, fræðslu, ráðgjöf og útvegun og kennslu í notkun hjálpartækjaÍ íhlutun eru valdar ein eða fleiri leiðir af fjórum mögulegum sem byggja á faglíkönum til íhlutunar til að leysa iðjuvandann.

Leiðirnar eru nefndar: Jöfnunarlíkan (compensatory model), Leiknilíkan (model of occupational skills training),

Lagfæringalíkan (model for enhancement of person factors and body functions), og Fræðslulíkan (model for education and teaching), þ.e íhlutun iðjuþjálfans getur falist í færniþjálfun og/ eða að kenna viðkomandi nýjar leiðir til að framkvæma athafnir daglegs lífs (eigin umsjá, heimilisstörf, vinna, áhugamál o.fl.), að aðlaga umhverfi viðkomandi s.s. á heimili eða vinnustað, fræðslu, ráðgjöf og útvegun og kennslu í notkun hjálpartækja

Eftir að íhlutun hefur átt sér stað er framkvæmd endurmetin með mats- eða mælitækjum og viðkomandi útskrifast eða markmið eru endurskoðuð og ferlið hefst þá á ný. Í gegnum allt ferli viðkomandi á Grensási er unnið heildrænt og í öflugri þverfaglegri teymisvinnu í samvinnu við skjólstæðinginn.
Iðjuþjálfar meta þörf fyrir iðjuþjálfun í samvinnu við skjólstæðinginn og aðra teymismeðlimi.

Iðjuþjálfun Fossvogi og Hringbraut

 
Starfsemi í iðjuþjálfun er frá kl. 8:00 til 16:00 alla virka daga.
 
Símanúmer iðjuþjálfunar: 543 9121 

Yfiriðjuþjálfi:
Sigrún Garðarsdóttir

netfang: sigrgard@landspitali.is
sími: 543 9108 og 825 5072

Heimilisfang:
Landspítali Grensási
við Álmgerði, 108 Reykjavík

Einstaklingar sem koma í endurhæfingu á Grensási eftir slys eða veikindi eiga flestir í erfiðleikum með að takast á við sitt daglega líf. Hlutir sem áður voru einfaldir eins og að klæðast, elda mat, vinna vinnuna sína, keyra bíl og stunda áhugamál geta reynst flóknir og óyfirstíganlegir. Sérþekking iðjuþjálfa felst í því að greina styrkleika einstaklinga og hvað reynist þeim erfitt við dagleg verk, finna leiðir til að yfirstíga þessa erfiðleika og þjálfa aftur upp færni til að takast á við daglegt líf. 

Samhliða færniþjálfun til eigin umsjár, heimilisstarfa, atvinnu og tómstunda er farið í heimilis- og vinnustaðarathuganir og mat á akstursfærni þegar þörf krefur. Auk þess eru veittar ráðleggingar við val og útvegun hjálpartækja.

Iðjuþjálfun í Fossvogi og við Hringbraut er skjólstæðings- og iðjumiðuð. Iðjuþjálfar vinna fyrst og fremst eftir kanadíska færnilíkaninu (CMOP-E) þar sem unnið er að því að efla iðju og lögð er áhersla á samspil einstaklings, iðju og umhverfis. Notast er við þjónustuferlið Occupational Therapy Intervention Process Model (OTIPM). Eftir því sem við á er stuðst við aðrar kenningar og líkön t.d. kenningar um öldrun, Valdeflingu, Lífaflfræðilíkanið og A-ONE.

Mats- og markmiðslota

Iðjuþjálfar á Grensási nota þjónustuferlið OTIPM til að leiða þjónustu sína. Þjónustan flokkast í þrjá hluta þ.e. mat, íhlutun og endurmat.

Mat

Byrjað er á að koma á tengslum og skjólstæðingsmiðuðu umhverfi til að þróa gagnkvæmt traust milli þjónustuþega og iðjuþjálfa. Í því tilefni er m.a. aflað skjólstæðingsmiðaðra upplýsinga um iðju, aðstæður og forgangsröðun með aðstoð gát- og spurningalista ásamt matstækjum s.s. COPM og OSA. Í framhaldi af þessari upplýsingaöflun fer fram mat á framkvæmd við iðju til að afla upplýsinga um hvar skóinn kreppir þ.e. hver vandinn er og hvað er að valda honum en það getur verið af líkamlegum, vitrænum og/eða andlegum toga en einnig getur umhverfið í víðum skilningi verið stór áhrifavaldur. Við matið eru notuð mats- og mælitæki eins og A-ONE, AMPS, gátlisti um ökufærni og heimilisathugun, mælitæki til að mæla grip- og fingragripskraft, gróf- og fínhreyfingar svo eitthvað sé nefnt. Þegar búið er að greina iðjuvandann þá eru sett markmið í samráði við skjólstæðinginn og þau skráð niður.

Mats- og markmiðslota

Í íhlutun eru valdar ein eða fleiri leiðir af fjórum mögulegum sem byggja á faglíkönum til íhlutunar til að leysa iðjuvandann. Leiðirnar eru nefndar: Jöfnunarlíkan (compensatory model), Leiknilíkan (model of occupational skills training), Lagfæringalíkan (model for enhancement of person factors and body functions), og Fræðslulíkan (model for education and teaching), þ.e íhlutun iðjuþjálfans getur falist í færniþjálfun og/ eða að kenna viðkomandi nýjar leiðir til að framkvæma athafnir daglegs lífs (eigin umsjá, heimilisstörf, vinna, áhugamál o.fl.), að aðlaga umhverfi viðkomandi s.s. á heimili eða vinnustað, fræðslu, ráðgjöf og útvegun og kennslu í notkun hjálpartækjaÍ íhlutun eru valdar ein eða fleiri leiðir af fjórum mögulegum sem byggja á faglíkönum til íhlutunar til að leysa iðjuvandann.

Leiðirnar eru nefndar: Jöfnunarlíkan (compensatory model), Leiknilíkan (model of occupational skills training),

Lagfæringalíkan (model for enhancement of person factors and body functions), og Fræðslulíkan (model for education and teaching), þ.e íhlutun iðjuþjálfans getur falist í færniþjálfun og/ eða að kenna viðkomandi nýjar leiðir til að framkvæma athafnir daglegs lífs (eigin umsjá, heimilisstörf, vinna, áhugamál o.fl.), að aðlaga umhverfi viðkomandi s.s. á heimili eða vinnustað, fræðslu, ráðgjöf og útvegun og kennslu í notkun hjálpartækja

Eftir að íhlutun hefur átt sér stað er framkvæmd endurmetin með mats- eða mælitækjum og viðkomandi útskrifast eða markmið eru endurskoðuð og ferlið hefst þá á ný. Í gegnum allt ferli viðkomandi á Grensási er unnið heildrænt og í öflugri þverfaglegri teymisvinnu í samvinnu við skjólstæðinginn.
Iðjuþjálfar meta þörf fyrir iðjuþjálfun í samvinnu við skjólstæðinginn og aðra teymismeðlimi.

Iðjuþjálfun geðendurhæfing

Starfsemi í iðjuþjálfun er frá kl. 8:00 til 16:00 alla virka daga.
Yfiriðjuþjálfi geðþjónustu: Auður Hafsteinsdóttir, s: 543 4004 og 825 3582

Iðjuþjálfun í endurhæfingu á Kleppi og Laugarási 

  • Endurhæfingartímabil tekur mið af hverri deild fyrir sig.
  • Áhersla lögð á endurhæfingu, tengingu út í samfélagið.
  • Einstaklings- og hópmeðferð, ráðgjöf og eftirfylgni
  • Iðjuþjálfar starfa á endurhæfingargeðdeildum, ýmsum teymum í göngudeild og Batamiðstöð.
  • Fjölritun veitir þjónustu á fjölfjöldun prentefnis, s.s. ljósritun, fjölritun, heftun og gormun og er í samstarfi við Birgðastöð og Innkaupadeild LSH. Fjölritun er hluti af starfsemi geðendurhæfingar iðjuþjálfunar á Kleppi og hefur verið stökkpallur fyrir marga til að stíga skref út í vinnu/samfélagið á ný eftir veikindi 

Iðjuþjálfun Hringbraut 

  • Bráðaþjónusta
  • Áhersla lögð á mat, greiningu og tengingu út í samfélagið
  • Einstaklings- og hópmeðferð, ráðgjöf og eftirfylgni

Iðjuþjálfun er einstaklingsmiðað ferli sem leitast við að auka færni og þátttöku í að takast á við daglegt líf innan sem utan spítalans.

Litið er á einstaklinginn í eigin umhverfi og unnið er með styrkleika viðkomandi. Í iðjuþjálfun er notuð margs konar iðja til að efla færni sem tengist daglegu lífi á heimili, í vinnu eða við leik og tómstundir. Leitast er við að skapa tækifæri til að takast á við verkefni daglegs lífs sem vekja áhuga, eru mikilvæg, geta veitt gleði og aukið sjálfstraust.

Markmið iðjuþjálfunar er að efla og viðhalda líkamlegri, andlegri og félagslegri færni í daglegu lífi.

Iðjuþjálfar í geðendurhæfingu styðjast við hugmyndafræði Líkansins um iðju mannsins (Model of Human Occupation), valdeflingar (empowerment) og batamiðaðrar þjónustu (recovery model).

Þjónusta iðjuþjálfa felst í mati, greiningu, fræðslu, ráðgjöf og eftirfylgni til sjúklinga og aðstandenda þeirra. Þessi vinna fer bæði fram í einstaklings- og hópmeðferðum.

Iðjuþjálfar á legu- og göngudeildum meta þörf fyrir iðjuþjálfun í þverfaglegri samvinnu við aðra teymismeðlimi á hverri deild fyrir sig.

Mat

Iðjuþjálfar hefja þjónustuferli sitt á því að fá upplýsingar frá skjólstæðingi sem leiða til þess að þeir fái mynd af iðju hans.  Það gera þeir með hinum ýmsu matstækjum.
Í því felst að gera sér grein fyrir iðjusögu hans í grófum dráttum, reynslu, daglegu lífi og störfum, áhugamálum, gildum og þörfum. Skjólstæðingur gerir grein fyrir þeim iðjuvanda sem hann upplifir í sínu daglega lífi og hvað það er sem hann kýs að sinna og setur sér markmið í samvinnu við iðjuþjálfa.

Í sumum tilfellum eiga skjólstæðingar erfitt með að gera grein fyrir iðjuvanda sínum sökum veikinda þegar þjónusta iðjuþjálfa hefst. Markmiðið getur þá oft á tíðum verið að mæta reglulega í iðjuþjálfun og sinna þeim verkefnum sem lögð eru fyrir.
Fyrir marga getur það markmið verið nógu krefjandi til að byrja með en þegar einstaklingar eru farnir að ná tökum á því eru markmiðin endurmetin með frekari þjálfun í huga. 

Íhlutun

Íhlutun sem iðjuþjálfar á geðsviði veita er skjólstæðingsmiðuð og því afar fjölbreytt. Samkvæmt þjónustuferli MOHO fellur íhlutunin í flestum tilvikum undir virkni við iðju (gjörðir, hugsanir og tilfinningar). Íhlutun getur farið fram bæði sem einstaklingsþjálfun, hópþjálfun eða sem ráðgjöf, stuðningur, upplýsingar og eftirfylgd.

Einstaklingsþjálfun

  • Hentar þeim sem þurfa á auknum stuðning að halda
  • Getur farið fram á viðkomandi deild, úti í samfélaginu eða í heimahúsi.
  • Tenging við ýmis úrræði í samfélaginu og nærumhverfi einstaklingsins.

Hópþjálfun

  • Hentar þeim sem þurfa aukna þjálfun í félagslegum samskiptum
  • Einstaklingar vinna saman í hóp
  • Hver einstaklingur setur sér markmið sem unnið er að í hópþjálfuninni.

Eftirfylgni, stuðningur, upplýsingar og ráðgjöf

  • Hentar þeim sem þurfa frekari íhlutun í tengslum við útskriftarferlið, t.d. við jafnvægi og þátttöku í daglegu lífi.
  • Við útskrift getur verið þörf fyrir eftirfylgd iðjuþjálfa, t.d. áframhaldandi þjálfun út í samfélaginu
Beiðni um iðjuþjálfun berast frá legu- og göngudeildum, geðlæknum og fagfólki geðsviðs munnlega á teymisfundum/planfundum eða rafrænt.

Iðjuþjálfun allar deildir

Hjálpartæki

Stór þáttur í starfi iðjuþjálfa á bráðasjúkrahúsi er að meta þörf á hjálpartækjum og hvort skjólstæðingur geti nýtt sér þau.

Iðjuþjálfar sjá um að sækja um hjálpartæki til Sjúkratrygginga Íslands (SÍ) ef skjólstæðingur á rétt á þeim skv. reglugerð. Hjálpartækjamiðstöð SÍ sendir svar um úrskurð til skjólstæðings og iðjuþjálfa.

Í flestum tilfellum þarf skjólstæðingur að nálgast tækin sjálfur.

Ef viðkomandi á ekki rétt á hjálpartækjum frá SÍ skv. reglugerð geta iðjuþjálfar veitt upplýsingar um hvar hægt sé að kaupa/leigja hjálpartæki. 

Dæmi um hjálpartæki eru:

  • Sokkaífæra
  • Griptöng
  • Salernisupphækkun 
  • Baðhjálpartæki
  • Stoðir við salerni og rúm
  • Sessa
  • Hjólastóll
  • Vinnustóll
  • Sjúkrarúm
  • Öryggiskallkerfi/-hnappur

Heimilisathugun

Til að meta færni skjólstæðings í eigin umhverfi er gerð heimilisathugun.

Metnar eru félags- og efnislegar aðstæður, aðstæður innandyra og hvernig skjólstæðingnum gengur að fara um.

Heimilisathugun er framkvæmd af iðjuþjálfa og sjúkraþjálfara í samvinnu við skjólstæðing og aðstandendur hans. 

Veitt er ýmis fræðsla og ráðgjöf t.d. vegna líkamsbeitingar, hjálpartækja og húsnæðisbreytinga.

 

 

Aðsetur: Iðjuþjálfun á Kleppi

Starfsmaður
Ólöf Thoroddsen, 543 4420

Afgreiðslutími

  • Mánudaga til föstudaga kl. 08:00 til 16:00

Þjónusta

Fjölritun LSH veitir deildum sjúkrahússins margs konar þjónustu varðandi fjölföldun prentefnis, svo sem ljósritun, fjölritun, heftun og gormun. Fjölritun er hluti af starfsemi iðjuþjálfunar á geðsviði.

Fjölritun er hluti af endurhæfingu fyrir sjúklinga á geðsviði og hefur verið stökkpallur fyrir marga til að komast aftur út í lífið. Sex til átta einstaklingar hafa tækifæri hverju sinni til að vera í þjálfun.

Dæmi um þjónustu:

  • Ljósritun í lit og svarthvítu frá stærð A5 upp í A3, plöstun, gormun, götun og innbinding
  • Mikið úrval af lituðum pappír og í mismunandi þykktum

Verkbeiðnir eru sendar á fjolritun@landspitali.is

Í verkbeiðni þarf að koma fram: Hvað á að prenta, fjöldi eintaka, stærð og tegund pappírs, hvort eigi að vera í svart/hvítu eða lit, viðfangsnúmer, hver pantar og hvert á að senda.

Útfærsla grafískrar hönnunar 
Íris Jónsdóttir,  s. 1405, irisj@landspitali.is

  • ACIS (Assessment of Communication and Interaction Skills) metur samskipti og boðskipti fólks og er gögnum safnað með óformlegu áhorfi. Matstækið skiptist í líkamleg boð, tengsl og upplýsingaskipti.
  • AMPS (Assessment of Motor and Process Skills) er staðlað matstæki sem metur samtímis færni við iðju og framkvæmdaþætti er varða hreyfingu og verkferli, með tilliti til sjálfstæðis, öryggis, skilvirkni og áreynslu
  • A-ONE (Árnadóttir OT-ADL Neurobehavioral Evaluation) er staðlað matstæki sem notað er til að meta samtímis færni við eigin umsjá, þ.e. að klæðast, sinna persónulegu hreinlæti, fara um á dvalarstað, borða og hafa tjáskipti og einkenni sem tengjast röskun á taugaatferli
  • A-Two (Kitchen Task Observation) stöðluð aðferð til að meta getu skjólstæðings til að laga létta máltíð (súpu) og leggja á borð
  • Áhugalistinn er matstæki sem er gátlisti um tómstundaiðju skjólstæðinga. Skjólstæðingur gerir grein fyrir áhugamálum sínum í fortíð, nútíð og framtíð. Hjálpar skjólstæðingnum við að finna nýjar tómstundir, t.d. eftir sjúkdóma/áföll og/eða ýta undir tómstundaiðju.
  • Box and block er staðlað próf sem metur grófhreyfingar handa, fingra og handleggja; fjöldi kubba/ 60 sek
  • COPM (Canadian Occupational Performance Measurement): matstæki þar sem skjólstæðingur greinir frá iðjuvanda tengt eigin umsjá, störfum og tómstundum. Skjólstæðingur forgangsraðar mikilvægi athafna og velur sér 5 athafnir sem hann vill auka færni sína við. Viðkomandi gefur sér stig frá 1-10 annars vegar fyrir frammistöðu og hins vegar ánægju við athafnirnar
  • Cape/Pac (Children Assessment of Participation and Enjoyment) er matstæki sem meturog kortleggur þátttöku og ánægju einstaklinga á daglegum athöfnum fyrir utan skólastofuna. Metin er fjölbreytni, ánægja,tíðni og umfang athafnanna sem einstaklingurinn tekur þátt yfir fjögurra mánaða tímabil. PAC (Preferences for Activities of Children) metur áhuga fyrir ýmsum athöfnum. Listarnir eru ætlaðir einstaklingum á aldrinum 6-21 árs og hægt er að nota þau saman eða í sitt hvoru lagi.
  • Dynamometer er staðlað próf sem metur gripstyrk í pundum
  • ESI (Evaluation of Social Interaction) er staðlað matstæki metur gæði félagslegra samskipta
  • Framkvæmdagreining er nákvæm greining á iðjuvanda sem byggist á áhorfi.
  • Gaumstolspróf - ýmis verkefni.
  • Iðjuhjólið er matstæki sem veitir yfirsýn yfir daglega iðju (eigin umsjá, störf og tómstundaiðju) skjólstæðings yfir sólarhring
  • Iðjusaga er notuð til að fá heildarsýn á lífssögu einstaklinga
  • Klukkupróf – metur m.a. rýmdarskynjun, stýritruflun og úrvinnslu upplýsinga.
  • LOTCA (Lowenstein Occupational Therapy Cognitive Assessment) –einkennamiðað matstæki sem metur vitsmunastarfsemi, hæfni og takmarkanir einstaklinga með einkenni eftir heilablóðfall eða heilaskaða af völdum slyss.
  • Mat á færni við akstur er gátlisti sem notaður er til að meta færni einstaklinga við akstur í þéttbýli
  • MMSE (The Mini Mental State Examination)– mat/skimun á vitrænni getu.
  • Modified Barthel Index mat á færni við athafnir daglegs lífs, s.s. klæðnað, snyrtingu og böðun
  • MOHOST (Model of Human Occupation Screening Tool): er skimunarmatstæki sem mælir þátttöku einstaklinga í iðju. Matstækið metur m.a. áhugahvöt, mat á eigin getu, mynstur iðju, tjáningu án orða og kröfur um iðju. Niðurstöður skimunar leiðbeina um íhlutun sem ætlað er að efla þátttöku við iðju. Einnig mælir matstækið árangur/útkomu og skoðar breytingar sem verða á þátttöku við iðju milli fyrirlagna þess
  • MSQ (Mental Status Questionnaire) er mat til skimunar á heilastarfsemi hjá öldruðum. Prófið reynir fyrst og fremst á áttun og minni
  • OCAIRS (Occupational Circumstances Assessment Interview and Rating Scale) er matstæki sem metur þá þætti sem ýmist draga úr eða ýta undir iðju skjólstæðinga
  • OSA (Occupational Self Assessment = mat á egin færni) er matstæki sem hefur þann tilgang að fá fram mat skjólstæðings á eigin færni við iðju og upplifun hans á umhverfi sínu. Skjólstæðingur forgangsraðar og setur sér markmið í samráði við iðjuþjálfa.
  • Pinch mælir er staðlað próf sem mælir fingrastyrk í pundum
  • Purdue Pegboard er staðlað próf sem metur grófhreyfingar handa, fingra og handleggja auk fingrafimi; fjöldi pinna/ 30 sek)
  • Sensory Profile: er matslisti sem nýtist til að fá mynd af skynúrvinnslu fólks. Viðkomandi metur eigin hegðun sem og viðbrögð við skynáreitum sem eru hluti af daglegum aðstæðum. Matstækið er staðalbundið og viðmið eru bandarísk. Matshlutar eru bragð og lykt, hreyfing, sjón, snerting, virknistig og heyrn
  • Sollerman er staðlað matstæki sem ætlað er til að meta handarfærni og byggir á sjö af átta algengustu handargripunum sem notuð eru í daglegu lífi
  • WEIS (The Work Environment Impact Scale) er matstæki sem hefur það markmið að meta áhrif af vinnustað á frammistöðu einstaklingsins, ánægju og vellíðan.
  • WRI (Viðtal um starfshlutverk / Worker Role Interview) er matstæki þar sem markmiðið er að fá mynd af þeim þáttum sem hafa áhrif á möguleika starfsmanns til að snúa aftur til vinnu eftir veikindi eða slys
Var efnið hjálplegt?
Takk fyrir
Af hverju ekki?