Dagdeild skurðlækninga Fossvogi - A5

Aðsetur: Aðalbygging Fossvogur, 5 hæð A álma. Inngangur
Símanúmer deildar: 543 7570
Opið: mánudaga til fimmtudaga kl. 07.00 – 22.00 og föstudaga 08.00-22.00
Heimsóknartímar: Eftir samkomulagi

Hjúkrunardeildarstjóri: Bjarnveig Pálsdóttir 

Á dagdeild skurðlækninga er tekið á móti sjúklingum, börnum og fullorðnum, sem eru að leggjast inn til skurðaðgerðar á Landspitala í Fossvogi. Sjúklingar koma á deildina að morgni aðgerðardags og þar fer fram undirbúningur fyrir aðgerð.

Í Fossvogi eru gerðar bæklunaraðgerðir, háls-, nef- og eyrnaaðgerðir , heila- og taugaaðgerðir, tannviðgerðir í svæfingu, lýtaaðgerðir og æðaðgerðir. Einnig koma á deildina sjúklingar í eftirlit eftir inngrip og rannsóknir á röntgen.

Sjúklingar sem ekki þarfnast innlagnar á legudeild eftir aðgerð koma aftur á dagdeildina eftir skurðaðgerðina til að jafna sig áður en þeir útskrifast heim.  Aðrir sjúklingar fara á legudeild eftir aðgerð.

Á dagdeild koma einnig þeir sjúklingar sem leitað hafa á bráðamóttöku í Fossvogi og þurfa að fara í aðgerð í framhaldinu. Margir útskrifast heim um kvöldið en aðrir leggjast inn á legudeildir í kjölfar aðgerða.

Netsamband: Sjúklingar og aðstendendur geta fengið aðgang að gestaneti spítalans sem virkar á flestum starfsstöðvum hans. Þannig er hægt að komast í tölvupóstasamskipti, nota samskiptamiðla og vafra á Netinu.

Atriði sem vert er að hafa í huga um notkun á Netinu: 

  • Talið ekki um aðra sjúklinga, aðstendendur eða starfsfólk nema með leyfi viðkomandi.
  • Setjið ekki inn mydir af öðrum, aðstandendum eða starfsfólki nema með leyti viðkomandi.
  • Setjið ekki upplýsingar úr sjúkraskrá á Netið.
  • Virðið friðhelgi einkalífsins.