Mæðravernd 22B

Í mæðravernd kvennadeildar fer fram almenn göngudeildarþjónusta og bráðaþjónusta fyrir konur sem hafa sérstök vandamál á meðgöngu. Auk þess er veitt bráðaþjónusta vegna vandamála á meðgöngu (eftir 13 vikur) og vegna sjúkdóma á fyrstu vikum eftir fæðingu.
Nauðsynlegt er að hafa tilvísun frá ljósmóður eða lækni á heilsugæslustöð áður en komið er á mæðraverndina. Tilvísunar er ekki þörf ef um er að ræða blæðingar eða verki eftir fyrstu 3 mánuði meðgöngu. Tekið er við greiðslum vegna vottorða og eftirskoðana á móttökudeild kvenna 21A.

Dagönn er þjónusta sem mæðraverndin veitir og annast eftirlit vegna ýmissa fylgikvilla meðgöngu, svo sem meðgöngueitrunar, minnkaðra hreyfinga, fjölburameðgöngu, fyrri meðgöngusögu o.fl.  Eftirlit með verðandi móður felst í síritun fósturhjartsláttar, hreyfinga barns og samdrátta í legi. Auk þess er fylgst með blóðþrýstingi og öðru sem þurfa þykir. Konur með meðgöngueitrun og sykursýki koma reglulega í dagönn og þangað koma einnig konur sem eru sendar af ljósmóður eða lækni úr heilsugæslunni, t.d. vegna minnkaðra hreyfinga. Í dagönn koma einnig konur sem fara í vendingu (með sitjanda) sem og konur sem þurfa járngjöf.

Deildarstjóri: Ingibjörg Th. Hreiðarsdóttir ingibhre@landspitali.is
Yfirlæknir: Hulda Hjartardóttir  huldahja@landspitali.is

ATH! Mæðraskoðun fyrir konur í eðlilegri meðgöngu er hjá Miðstöð mæðraverndar eða á heilsugæslustöðvum í viðkomandi hverfi. Mæðraverndin er eingöngu fyrir áhættumeðgöngur.

Staðsetning

Mæðraverndin er á 2. hæð í B-álmu kvennadeildahúss.
Gengið um um aðalinngang kvennadeildahúss.

Deildin er opin alla virka daga frá kl. 08:00-16:00.
Tímabókanir eru frá kl. 08:00-12:00 og kl. 13:00-16:00.

Símar

Skiptiborð 543 1000
Mæðravernd 543 3253
Dagönn 543 3260