Bráðaþjónusta

Hjá bráðaþjónustu geðsviðs fer fram fyrsta mat á vanda þeirra sem þangað leita og er fólki vísað þaðan áfram til frekari greiningar og/eða meðferðar. Stundum getur viðkomandi þurft á innlögn að halda en að öðrum kosti er vísað í viðeigandi úrræði innan eða utan Landspítala. Í neyðartilvikum utan opnunartíma getur fólk leitað til almennu bráðamóttökunnar á Landspítala í Fossvogi.    
 

 

Bráðamóttaka geðsviðs er staðsett á fyrstu hæð í geðdeildarbygginunni við Hringbraut og er opin þeim sem eiga við bráða geðræna erfiðleika að stríða. Til bráðamóttöku getur fólk leitað með áríðandi má af geðrænum toga án þess að eiga pantaðan tíma.

Bráðamóttakan er opin kl. 12:00 - 19:00 og kl. 13:00 - 17:00 um helgar og alla helgidaga. Í neyðartilvikum utan þessa tíma er hægt að leita til bráðamóttöku Landspítalans í Fossvogi.

Sími bráðamóttöku geðdeildar: 5434050 á þeim tíma sem opið er

Ekki eru gefin ávanabindandi lyf á bráðamóttöku geðdeildar.

Bráðateymi geðsviðs veitir skammtíma meðferð við bráðum geðrænum vanda. Lögð er áhersla á að finna viðeigandi farveg að lokinni bráðaeftirfylgd sem getur falist í úrræðum innan sem utan Landspítala. 

Farvegur tilvísana: Eingöngu er tekið við tilvísunum frá bráðamóttöku geðdeildar.