Endurhæfingarteymi fyrir sjúklinga sem greinst hafa með krabbamein

Á Landspítalanum starfar fjölfaglegt teymi sem annast endurhæfingu sjúklinga sem greinst hafa með krabbamein. Teymið er skipað af framkvæmdastjóra lyflækningasviðs og hefur aðsetur á Hringbraut. 
 
Lögð er áhersla á að sinna þörfum sjúklinga fyrir endurhæfingu óháð meðferð og sjúkdómsstigi, en í forgangi eru þeir sem eru með erfið og fjölþátta einkenni sem hafa mikil áhrif á daglegt líf og lífsgæði.

Fræðsluefni

Markmið endurhæfingar á Landspítalanum er

  • að aðstoða einstaklinginn við að endurheimta og viðhalda sem bestri virkni, heilsu og lífsgæðum innan þeirra takmarkana sem sjúkdómurinn og meðferðin setur honum hverju sinni.
  • að sjúklingar sem hafa greinst með krabbamein fái einstaklingshæfða og árangursríka alhliða endurhæfingu þar sem unnið er með afleiðingar sjúkdóms og meðferðar.
  • að þjónustan sé heildræn, fjölþætt, gagnreyndri þekkingu sé beitt og samvinnan sé góð.
 

Gerð er einstaklingshæfð áætlun um endurhæfingu með hverjum einstaklingi, sem byggist á mati á líðan hans og þeim áskorunum sem hann þarf að takast á við í kjölfar sjúkdóms og meðferðar.

Veitt er fræðsla og stuðningur og vísað á möguleg úrræði til endurhæfingar innan og utan Landspítala.

Áætluninni um endurhæfingu er fylgt eftir með viðtali og/eða símtali (eftir 6-8 vikur), þar sem metinn er árangur endurhæfingar. Sjúklingur útskrifast úr þjónustu teymisins þegar mögulegt er.

Ráðgjöf og fræðsla

  • Teymið veitir ráðgjöf, fræðslu og kennslu til sjúklinga, aðstandenda, starfsfólks, nema og almennings á sviði endurhæfingar krabbameinssjúklinga.

Þróun og rannsóknir

  • Teymið tekur þátt í þróun þjónustu fyrir endurhæfingu sjúklinga með krabbamein.
    Teymið þróar klínískar leiðbeiningar um alhliða endurhæfingu krabbameinssjúklinga á mismunandi stigum sjúkdóms.
    Teymið sinnir rannsóknum á sviði endurhæfingar krabbameinssjúklinga.

Samstarf

  • Teymið leggur áherslu á gott samstarf um endurhæfingu innan sem utan Landspítala.
  • Teymið fylgist með þróun í endurhæfingarmálum krabbameinssjúklinga erlendis og kemur með nýjar hugmyndir til framfara.

Beiðnir skulu berast til teymisins í gegnum Sögukerfið. Leiðbeiningar fyrir starfsfólk um mat og tilvísun, eru í Gæðahandbók LSH. Starfsmenn teymisins meta beiðnina innan vikutíma og svara henni skriflega.

 

• Teymisstjóri og starfsmaður teymis: Rannveig Björk Gylfadóttir, sérfræðingur í krabbameinshjúkrun, netfang: gylfadot@landspitali.is
• Sjúkraþjálfun, starfsmaður teymis og staðgengill teymisstjóra:
Íris Eva Hauksdóttir, netfang: iriseh@landspitali.is
• Hjúkrun og starfsmaður teymis:
Ágústa Kristín Andersen
• Ritari og starfsmaður teymis:
Anna Einardóttir
• Krabbameinslækningar:
Ásgerður Sverrisdóttir
• Krabbameinshjúkrun:
Nanna Friðriksdóttir
• Iðjuþjálfun:
Anna Ingileif Erlendsdóttir
• Félagsráðgjöf:
Magnea Guðrún Guðmundardóttir
• Sálfræðiþjónusta:
Brynhildur Scheving Thorsteinsson
• Næringarráðgjöf:
Rannveig Björnsdóttir
• Sálgæsla:
Rósa Kristjánsdóttir
• Lyfjafræði:
Þórunn Guðmundsdótti