forsida_husid_2.png (1010031 bytes)

Laugarásinn - meðferðargeðdeild

 - Fyrir ungt fólk með geðrofssjúkdóm á byrjunarstigi -

Laugarásinn er sérhæfð deild á geðsviði Landspítala. Starfsemi deildarinnar er fyrir ungt fólk á aldrinum 18-30 ára með geðrofssjúkdóm á byrjunarstigi. Rannsóknir sýna að því fyrr sem gripið er inn í geðrofssjúkdóm með öflugri meðferð, þeim mun betri eru horfur til lengri og skemmri tíma. Notast er við meðferðarúrræði sem hafa skilað góðum árangri í snemmíhlutun í þróun geðrofssjúkdóms – „Early Intervention in First Episode Psychosis“.

Starfsemin er einstaklingsmiðuð, sveigjanleg og allt gert til að mæta þörfum hvers og eins hverju sinni.

Laugarásinn meðferðargeðdeild er staðsett á tveimur stöðum, annars vegar í stóru og fallegu húsi við Laugarásveg í Reykjavík og hins vegar í húsinu Víðihlíð við Holtagarða. Þungamiðja starfsemi Laugarássins er dagdeild en í húsinu að Laugarásvegi er einnig sólarhringsþjónusta fyrir 7 einstaklinga.

Á Laugarásnum er fjölbreytt starfsemi og er markmið starfseminnar að bæta líðan og efla færni einstaklinga til að lifa sjálfstæðu og gefandi lífi með lífsgæðum.

Upplýsingarit - Laugarásinn meðferðargeðdeild

Megin þungi starfseminnar er dagdeild en einnig hefur deildin yfir að ráða 7 leguplássum. Um 70 einstaklingar eða þjónustuþegar sækja í dag þjónustu Laugarássins. Deildin er til húsa á Laugarásvegi 71 í Reykjavík en hluti starfseminnar er einnig í Víðihlíðinni, vestanmegin við Holtagarða. 

Boðið er upp á fjölbreytt og gagnreynd meðferðarúrræði við byrjandi geðrofssjúkdómi sem miða að því að draga úr einkennum, forða bakslagi og styðja við þjónustuþega til þátttöku í samfélaginu. Starfsemin styðst við hugmyndafræði batastefnunnar.

Á deildinni starfar öflugt þverfaglegt teymi sem samanstendur af geðlækni, hjúkrunarfræðingum, sálfræðingum, félagsráðgjafa, iðjuþjálfa, íþróttafræðingum, sjúkraliðum, ráðgjöfum og stuðningsfulltrúum. Þeir sem sækja þjónustu fá aðstoð við að ná betri tökum á geðrofssjúkdómnum og daglegu lífi með ýmsum hætti. Aðrir áhersluþættir í þjónustunni eru meðal annars vinna með aðstandendum og heilbrigður lífsstíll.

Símanúmer 

  • Starfsmiðstöð: 543 4650 og 581 4544
  • Deildarstjóri: 543 5938 
  • Ritari deildarstjóra: 543 5937

Fyrir heilbrigðisstarfsfólk

Leiðbeiningar um hvernig sótt er um á Laugaásnum gegnum SÖGU kerfið >>

Fjölbreytt meðferðarúrræði eru í boði á Laugarásnum: 

  • Fjölbreytt hreyfing og heilsuefling
  • Fræðsla um geðrof og geðrofssjúkdóma
  • Vitræn endurhæfing með félagsþjálfun
  • Myndlistaverkefnið LISTAFL
  • Tónlistarsmiðjan HLJÓMAFL
  • Fræðsla fyrir aðstandendur um geðrofssjúkdóma
  • Streitustjórnun
  • Hugræn atferlismeðferð við geðrofi, kvíða og þunglyndi
  • Fjölbreytt hópastarf með ólíkum áherslum
  • Stuðningur við nám
  • Öflug starfsendurhæfing

Staðreyndir 
- Um 3% einstaklinga munu fara í geðrof einhvern tíma á lífsleiðinni. Fyrsta geðrofið kemur í flestum tilfellum fram á aldrinum 16-30 ára.
- Geðrof er ástand þar sem tengsl við raunveruleikann rofna. Í geðrofi koma fram ranghugmyndir, ofskynjanir og hugsunin getur orðið ruglingsleg.
- Oft fylgir geðrofi kvíði og depurð og margir einangrast félagslega.
- Geðrof hefur áhrif á hugsun, tilfinningar og hvernig við upplifum heiminn.

Annars staðar á áberandi stað má þetta koma:
- Snemmíhlutun er forvörn og lykillinn að bata
- Öflug og sérhæfð meðferð strax

Hvernig kemstu í samband við Laugarásinn?

Hvaða meðferðaraðili sem er getur vísað í þjónustu Laugarássins. Til að fá nánari upplýsingar má hringja í síma 543-4650 og spyrja eftir vaktstjóra.

Ef grunur vaknar um byrjandi geðrofssjúkdóm hjá ungum einstaklingi er honum vísað í Geðrofsteymi Laugarássins. Teymið fer yfir allar tilvísanir sem berast, metur stöðu hvers og eins og hvaða úrræði myndi henta viðkomandi best. Markmið teymisins er að sjá til þess að einstaklingnum sé boðin besta mögulega úrlausnin á sínum vanda sem fyrst. Ef viðkomandi er með byrjandi geðrofssjúkdóm og á aldrinum 18-30 ára er honum vísað áfram í þjónustu Laugarássin meðferðargeðdeildar. Öðrum eru tryggð eftirfylgd af hendi teymisins eða annarra meðferðaraðila þar til annað viðunandi úrræði getur hafist.

Geðrofsteymi Laugarássins er skipað hjúkrunarfræðingi og tveimur geðlæknum. Starfsemi þess er sveigjanleg sem þýðir m.a. það að teymið býður upp á viðtöl heima fyrir til að byrja með, sé þess óskað, og teymið veitir eftirfylgd eins lengi og þörf er á.

Nánari upplýsingar veitir teymisstjóri í síma 825-9476