Rannsóknarkjarni - Klínísk lífefnafræði og blóðmeinafræði

Helstu daglegu verkefni eru blóðsýnatökur á sjúkradeildum, móttökum og heilsugæslustöðvum, almennar lífefnarannsóknir, prótein- og hormónarannsóknir, blóðgasmælingar, lyfjarannsóknir, rannsóknir á blóðfrumum, beinmerg, líkamsvessum og blóðstorknun. Auk þess tilheyra deildinni blæðaramiðstöð Landspítala, segavarnir Landspítala og sérfræðileg ráðgjöf vegna storkumeina. 

Sýni sem berast til rannsókna eru blóð-, þvag- og mænuvökvi. Langflestar rannsóknanna á deildinni eru staðlaðar samkvæmt alþjóðlegum stöðlum og eru undir öflugu innra og ytra gæðaeftirlitskerfi.

Hlutverk og markmið deildarinnar er að bjóða læknum upp á breitt úrval rannsókna á sviði klínískrar lífefnafræði og blóðmeinafræði og framkvæma þær á þann hátt og það fljótt að þær komi að sem bestum notum við sjúkdómsgreiningu og meðferð sjúklinga.

Annað markmið rannsóknarstofunnar er að stunda og stuðla að vísindarannsóknum og að kenna lífeindafræði- og læknanemum svo og öðrum heilbrigðisstéttum.

Til þess að ná markmiðum sínum þarf rannsóknarstofan að búa yfir vel menntuðu starfsfólki, góðum tækja- og tölvubúnaði og að ná góðri samvinnu við heilbrigðisstarfsfólk innan og utan Landspítala.

Á rannsóknarkjarna starfa lífeindafræðingar, lífefnafræðingar, læknar sjúkraliðar, rannsóknar- og skrifstofumenn, alls tæplega 100 manns.  Á deildinni eru gerðar rúmlega 1,3 milljónir rannsókna á ári.

Um það bil þriðjungur rannsóknanna eru bráðar rannsóknir en rannsóknarstofan er starfrækt allan sólarhringinn árið um kring.

Gott aðgengi að rannsóknarþjónustu og hröð skil á niðurstöðum er forsenda skjótrar sjúkdómsgreiningar og öruggrar meðferðar sjúklinga hvort sem er á bráðamóttökum, sjúkradeildum, heilsugæslustöðum eða öðrum stofnunum.

Öflugt rannsóknarstofutölvukerfi og rafrænt beiðna- og svarakerfi gerir skráningu sjúklinga og rannsókna öruggari og skilvirkari.

Með slíku kerfi er reynt að halda handvirkum færslum í lágmarki. Allar deildir Landspítala, heilsugæslustöðvar og sjúkrahús í nágrenni Reykjavíkur eru tengdar rannsóknarstofutölvukerfi deildarinnar

Almennur afgreiðslutími: Virkir dagar kl. 8:00-16:00.  

Vaktþjónusta er um helgar og utan dagvinnutíma á virkum dögum og sjá vaktmenn Landspítala þá um að taka við sýnum og koma þeim á rannsóknastofu, sjá móttaka sýna.

Móttaka fyrir blóðsýnatökur við Hringbraut er opin virka daga kl. 08:00–15:45.

Móttaka fyrir blóðsýnatökur í Fossvogi er opin virka daga kl. 08:00–15:45.

Sérfræðilæknar í klínískri lífefnafræði skipta með sér ráðgjafarstörfum um mælingar, niðurstöður og viðmiðunarmörk lífefnarannsókna ásamt gæðaeftirliti og tölvu- og upplýsingakerfi deildarinnar.

Utan dagvinnutíma veita lífeindafræðingar á rannsóknakjarna upplýsingar um vakthafandi lækni.

Sérfræðilæknar í blóðmeinafræði veita ráðgjöf um blóðmeinafræðilegar rannsóknir og sinna sjúklingum með blæðingar- og storkuvandamál. U

tan dagvinnutíma skiptast þeir á að sinna útköllum vegna blæðara, blæðinga- og storknunarvandamála og blóðmeinafræðilegra rannsókna. Símaþjónusta Landspítala veitir upplýsingar um vakthafandi lækni.

Segavarnir
Upplýsingar um skömmtun blóðþynningarlyfja eru veittar í síma segavarna 543 5019, mánudag til fimmtudaga frá kl. 09:00 til 16:30 og föstudaga frá kl. 08:00 til 16:00.

Helstu símanúmer

Rannsóknastofa Fossvogi	543 5600
Rannsóknastofa Hringbraut	543 5000
Blæðaramiðstöð - hjúkrunarfræðingur	824 5414
Blæðaramiðstöð - vakthafandi læknir	543 1000
Blæðaramiðstöð - dagdeild 11B	543 6100
Blæðaramiðstöð barna - göngudeild barnaspítala	543 3700
Blóðmeinafræði - tímabókanir á göngudeild	543 5010
Segavarnir	543 5019
Segavarnir - beinir síma hjúkrunarfræðinga	543 5005 543 5023 543 5028

 

Netföng: 

Segavarnir:   segavarnir@landspitali.is

Blæðaramiðstöð:  storkumein@landspitali.is

Rannsóknarstofur 

Rannsóknakjarni klínískrar lífefnafræði og blóðmeinafræði er starfræktur bæði í Fossvogi og við Hringbraut og er móttaka sýna á báðum stöðum.
Vaktmenn á Landspítala Hringbraut sjá einnig um að taka við sýnum og koma þeim á rannsóknarstofur.

- Rannsóknastofa í Fossvogi er á 1. hæð í E-álmu (E1). 
- Rannsóknastofa við Hringbraut er á 1. og 2. hæð í K-byggingu. 

Blóðtaka

Móttaka fyrir blóðsýnatökur er kl. 08:00-15:45 virka daga

•  1. hæð í E-álmu á Landspítala Fossvogi .
•  göngudeild í kjallara E-álmu (10E) á Landspítala Hringbraut  

Blæðaramiðstöð
Móttaka sjúklinga er á göngudeild 11B á 1. hæð á Landspítala Hringbraut. Gengið um aðalinngang, Kringlunnar.

Póstföng
Landspítali
Rannsóknakjarni - Klínísk lífefnafræði og blóðmeinafræði 
K-bygging, 2. hæð
Hringbraut
101 Reykjavík

Landspítali
Rannsóknakjarni - Klínísk lífefnafræði og blóðmeinafræði 
Rannsókn, E1
Fossvogi
108 Reykjavík

Upplýsingar um rannsóknir og sýnatökur má finna í þjónustuhandbók rannsóknarsviðs og í lista yfir allar rannsóknir í stafrófsröð

Blóðmeinafræði og klínísk lífefnafræði
Mergskoðun
Segavarnir
Vökvarannsóknir

Rafrænt beiðna- og svarakerfi: HROS í Heilsugátt

Rannsóknaþjónusta hefur umsjón með nærrannsóknum á Landspítala, skv. ákvörðun sem tekin var af framkvæmdastjórn Landspítala árið 2015. Nærrannsóknir (Point of care testing, POCT) eru mælingar á sýnum sem framkvæmdar eru nálægt sjúklingi, venjulega einfaldar í framkvæmd og svör fengin með hraði.

Nærrannsóknatæki á deildum Landspítala eiga að vera undir eftirliti nærrannsóknateymisins og mörg hver eru aðgangsstýrð og tölvutengd. Má þar nefna tæki eins og ABL blóðgasmæla, Affinion tæki til mælinga á langtímasykri og CRP og þvagstrimatæki. Þess má geta að nærrannsóknir lúta sérstökum gæðastaðli.

Umsjónin felur í sér:

• Skipulag, stjórnun og gæðaeftilit með nærrannsóknum
• Mat og ráðgjöf við kaup á nýjum tækjabúnaði til nærrannsókna
• Kennslu og ráðgjöf um framkvæmd nærrannsókna
• Skipaður var hópur sem sá um að útfæra skipulag málflokksins.

Í hópnum í dag sitja:

Helga Sigrún Sigurjónsdóttir lífeindafræðingur helgassi@landspitali.is

Sigríður Svava Þorsteinsdóttir lífeindafræðingur sigridt@landspitali.is

Gunnhildur Ingólfsdóttir lífeindafræðingur og gæðastjóri gunnhing@landspitali.is

Ólöf Sigurðardóttir sérfræðilæknir olsi@landspitali.is

Allir þeir sem koma að skipulagningu og framkvæmd nærrannsókna á Landspítala og þeir sem eru áhugasamir um nærrannsóknir eru beðnir um að hafa samband, með tölvupósti til viðkomandi aðila eða í símanúmerið 825 5881 sem tekur við skilaboðum vegna nærrannsókna og kemur þeim í farveg.

Frekari upplýsingar eru í gæðahandbók Rannsóknaþjónustu: Nærrannsóknir.

Blæðara- og storkumeinamiðstöð þjónar landinu öllu með rannsóknum, ráðgjöf og meðhöndlun á blæðinga- og ofstorknunarsjúkdómum. Einnig er boðið upp á erfðafræðilega greiningu og erfðaráðgjöf í samvinnu við erfða- og sameindalæknisfræðideild Landspítala. 

Nánar um starfsemina

Segavarnir þjónusta sjúklinga sem eru í blóðþynningarmeðferð með blóðtöku, mælingu og skömmtun blóðþynningarlyfja. Sjúklingar á blóðþynningu þurfa að vera í reglulegu eftirliti hjá heimilislækni eða öðrum sérfræðingi.

Nánar um starfsemi segavarna sem er á 1. hæð K-byggingar á Landspítala Hringbraut.  

Ísleifur Ólafsson, yfirlæknir klínískrar lífefnafræði

Páll Torfi Önundarson, yfirlæknir blóðmeinafræði

Lísbet Grímsdóttir deildarstjóri