Landspítali Háskólasjúkrahús

Staðsetning

Iðjuþjálfun er staðsett á þriðju hæð í K-álmu Landakots.

Starfsemi
Á Landakoti fer fram greining og mat á heilsufari aldraðra ásamt endurhæfingu. Í húsinu eru almennar öldrunarlækningardeildir, deild fyrir einstaklinga með heilabilun, sérhæfð lungnadeild, líknardeild og dagdeild. Byltu- og beinverndarmóttaka er hluti af göngudeild og er iðjuþjálfi í teymi þar. Iðjuþjálfar sinna einnig tilfallandi verkefnum á minnismóttöku.
Nemar í iðjuþjálfun frá Háskólanum á Akureyri koma í vettvangsnám á Landakot.

Starfsemi í iðjuþjálfun er frá 8:00 til 16:00 alla virka daga.
Sími á skrifstofu iðjuþjálfunar er: 543 9834
Sími á skrifstofu yfiriðjuþjálfa er: 543 9841

Þjónusta

Þjónustan felst í mati og þjálfun á daglegri iðju svo sem að klæðast, snyrta sig og borða. Einnig er unnið með þætti er lúta að heimilishaldi og tómstundum.
Síðast en ekki síst er unnið að því að bæta andlega líðan og félagslega hæfni með ýmis konar hópastarfi s.s. endurminningar- og umræðuhópum.
Á öllum deildum er lögð áhersla á teymisvinnu og er iðjuþjálfi hluti af henni.

Matstæki

Til að meta færni við iðju nota iðjuþjálfar aðallega eftirtalin matstæki: A-ONE, AMPS, og Barthel, sem öll eru stöðluð. Auk þess nota iðjuþjálfar áhorf, þar sem þeir fylgjast með einstaklingum vinna ýmis verk. Dæmi um verk eru heimilisstörf og verkefni tengd tómstundum. MMSE er notað til að skima vitræna getu.

Heimilisathugun

Iðjuþjálfar fara heim til einstaklinga og aðlaga heimilið þörfum hvers og eins með hjálpartækjum og minni háttar húsnæðisbreytingum, s.s. endurröðun á húsgögnum og fjarlægja þröskulda. Einnig er veitt ráðgjöf varðandi notkun hjálpartækja og aðferðir til að auka öryggi.

Hjálpartæki

Mikilvægur þáttur í starfi iðjuþjálfa á Landakoti er prófun, ráðgjöf og aðlögun á hjálpartækjum. Iðjuþjálfar eru í góðu samstarfi við starfsfólk Hjálpartækjamiðstöðvar Tryggingastofnunar ríkisins og seljendum hjálpartækja.

Starfsmenn

Ása Lind Þorgeirsdóttir iðjuþjálfi netfang: asathor@landspitali.is  
Berglind Indriðadóttir iðjuþjálfi netfang: bergind@landspitali.is  
Fanney M. Jónsdóttir iðjuþjálfi netfang: fanneyj@landspitali.is  
Inga Guðrún Sveinsdóttir sjúkraliði, netfang: ingaguds@landspitali.is  
Ingibjörg Pétursdóttir iðjuþjálfi, netfang: ingibpet@landspitali.is  
Kristín Kristjánsdóttir iðjuþjálfi netfang: kristink@landspitali.is  
Rósa Hauksdóttir yfiriðjuþjálfi, netfang: rosah@landspitali.is  

Krækjur:

Iðjuþjálfafélag Íslands
Háskólinn á Akureyri/Námsbraut í iðjuþjálfun