Landspítali Háskólasjúkrahús

Litningarannsóknir eru gerðar þegar grunur er um litningagalla, en segja má að ábendingar (indications) litningarannsókna falli í þrjá meginflokka:

1. Forburðargreining eða greining litningagalla á fósturskeiði.
2. Leit að litningagalla hjá einstaklingum með tiltekna meðfædda sjúkdóma (heilkenni).
3. Rannsókn hjá einstaklingum með hvítblæði og tiltekin krabbamein.

Litningarannsókn er oft gerð við rannsókn á endurteknum fósturlátum, við fósturdauða, þegar fósturgalli finnst, þegar verðandi foreldrar eru sjálfir með litningagalla og í tengslum við rannsókn á ófrjósemi.