Heimsóknartímar

Á Landspítala gildir sú meginregla að heimsóknir til sjúklinga eru heimilar á öllum tímum dagsins. Fólk er þó hvatt til þess að hafa samráð við hjúkrunarfræðinga á vakt um heimsóknir. Þægilegasti heimsóknartíminn er frá kl. 15:00 til 20:00. Sérstakar reglur um heimsóknir á kvennasviði gilda á deildum þess. Á mörgum geðdeildanna eru sérstakar reglur um heimsóknartíma, til dæmis á barnageðdeild Dalbraut 12 eru heimsóknartímar fyrir aðra en foreldra og systkin á miðvikudögum kl. 16:00 - 18:00. Fólk er hvatt til að kynna sér það nánar við innlögn sjúklinga.

Aðalinngangi á Hringbraut og Landakoti er lokað kl. 21:00 en í Fossvogi kl. 20:00. Eftir það eiga gestir að snúa sér til vaktmanna og gefa upp nafn sitt og nafn og deild sjúklingsins. Á Kleppi er húsinu læst kl. 24:00.